Sjómannadagsblaðið - 26.05.1968, Síða 49

Skipstjórafélag Norðlendinga
50 ára
ÍSLENZKUR TOGARI, NORSKT SÍLDVEIÐISKIP
í hollenzkri skipasmíðastöð hefir íslenzka togaranum Ólafi Jóhannessyni nýlega verið
breytt fyrir norska eigendur í línuveiðaskip. Sett hefir verið ný vél í skipið, lestarrými
þess aukið og útbúið með tækjum til fiskfrystingar. — Mannaíbúðum hefir verið breytt,
sem nú er ætlað að rúma 15 manns. — Myndin er af hinum „nýja“ h'nuveiðara og síld-
veiðiskipi Sorfold, sem er stærsta skip sinnar tegundar í norska fiskveiðiflotanum, sem
aðeins jafnast að stærð við íslenzka fiskveiðiskipið Víking (67 m. Iangur), sem breytt
var í þýzkri skipasmíðastöð í jafnhliða síðutogara og síidveiðiskip.
RIDDARALIÐ
GEGN
HERSKIPUM
I hemaSarsögu aldanna mun ]pað fátítt að fótgöngulið eða riddaralið hafi sigrast
á sjóher, en svo fjarstætt sem slíkt hljómar hefir það þó átt sér stað.
Veturinn 1795, sem var mikill frostavetur í Evrópu, sendi franski uppreisnar-
hershöfðinginn Pichegru, er hafði hernumið Amsterdam, riddaralið sitt út á ísinn
við Helder, þar sem þeim tókst að yfirhuga hinn innifrosna hollenzka herskipaflota.
í fyrri heimsstyrjöldinni kom það einnig fyrir, að allmargar, vel vopnaðar tyrk-
neskar hersnekkjur, lágu við landfestar í Rauðahafinu, um það bil á svæðinu þar
sem borgirnar Sódóma og Gómorra voru staðsettar forðum. í myrkri nætur réðist
arabísk riddarasveit að skipunum, sökkti þeim og hvarf svo út í næturmyrkrið.
Fátii félagsins.
Skipstjórafélag Norðlendinga minnist
á þessu ári hálfrar aldar starfsemi sinn-
ar, en það er stofnað 13. febrúar 1918
og því aðeins yngra en Skipstjóra- og
stýrimannafélagið Aldan og Sjómanna-
félag Reykjavíkur.
Stofnendur voru 18 skipstjórnarmenn
á Akureyri.
Fyrstu stjórn félagsins skipuðu: Stefán
Jónsson formaður, Jón Bergsveinsson
ritari, og Sigurður Sumarliðason gjald-
keri.
Félagið hóf þegar markvissa starfsemi
að bættum kjörum stéttarinnar, ásamt
ýmsu er horfði til bóta í siglingamálum
norðanlands. — Formenn félagsins frá
upphafi hafa verið þessi menn: Stefán
Jónsson í 1 ár, Benedikt Steingrímsson
í 14 ár, Ingvar Guðjónsson í 1 ár, Aðal-
steinn Magnússon i 13 ár, Guðmundur
Guðmundsson í 5 ár, Þorsteinn Stefáns-
son í 7 ár og Björn Baldvinsson í 7 ár.
Meðlimir félagsins í dag eru frá Ak-
ureyri, Flúsavík, Grenivík, Árskógs-
strönd, Hrísey, Dalvík og Ólafsfirði.
Skipstjórafélag Norðlendinga hefir
frá upphafi, auk eigin málefna, stutt
beint og óbeint að ýmsum hagsmuna-
og menningarmálum sjómannastéttar-
innar í heild. — Þorsteinn Stefánsson
hafnsögumaður skrifar ýtarlegt ágrip úr
50 ára sögu félagsins í Sjómannablaðið
Víking 1. tbl. þ. á.
Núverandi aðalstjórn félagsins skipa
þessir menn: Jónas Þorsteinsson form.,
Friðþjófur Gunnlaugsson ritari, og Her-
bert Jónsson gjaldkeri.
SJÓMANNADAGSBLAÐIÐ 35