Sjómannadagsblaðið - 07.06.1970, Qupperneq 23

Þeir sem björguðust af Jóni forseta.
________________________________________________________________
Loftskeytastöðin í Reykjavík hafði þegar tilkynnt H.f. Alliance,
eigendum togarans, það sem hafði skeð, og þeir hrugðið strax við
til að gera út menn á strandstaðinn, sem var ekki auðhlaupið í
þann tíð. Á Stafnesi voru allir gengnir til náða, er strandið har
að. Sigfús Þorsteinsson bóndi að Hólakoti mun fyrstur allra hafa
vaknað við eimpípublásturinn. Hann sá þegar hvers kyns var og
beið ekki boðanna að vekja fólkið á Stafnesbæjunum, sem til
náðist, og allir gerðu sér ljóst hvað í húfi var. Skipið leyndi sér
ekki, þar sem það stóð alljósað á Stafnesrifinu fram undan vit-
anum. Verið hafði rigningarsuddi um kvöldið en dró heldur úr
rigningunni eftir því sem leið á nóttina, nema þegar skúrir riðu
yfir. Voru strax miklar ráðagerðir með mönnum, hvað hægt væri
að gera, og var þá fyrst farið að athuga um skipakostinn, en til-
tækir bátar settir upp í Skiphólma, en þaðan er löng og erfið
sjósetning, sérstaklega þegar lágt er í sjó eins og nú stóð á og
svarta náttmyrkur.
Menn voru ráðalausir hvað bezt væri að gera þá í skyndi. Eim-
pípublástur skipsins varð veikari, ljósin á skipinu dofnuðu þangað
til hvort tveggja dó út með öllu. Þar sem aflandsvindur var og
ekki að sjá slæmt í sjóinn, var fólkið í landi að gera sér vonir um
að skipbrotsmönnunum tækizt að bjarga sér af eigin rammleik
til lands í skipsbátnum. Úti fyrir sást alltaf til ljósa af einhverj-
um skipum. Þegar á nóttina leið var auðséð að skip voru tekin
að safnazt saman á strandstaðnum. Jók það von manna í landi.
Um birtingu komu þeir frá Reykjavík, Halldór Þorsteinsson og
Jón Sigurðsson, útgerðarstjórar í Alliance h.f., sem voru eigendur
skipsins, og fréttu mennirnir á staðnum þá fyrst að þetta væri
togarinn Jón forseti, sem strandaður væri.
SJÓMANNADAGSBLAÐIÐ 9