Sjómannadagsblaðið - 08.06.1986, Síða 83

SJÓMANNADAGSBLAÐIÐ
81
ýtarlegum formálum um sjávarútveg
okkar, siglingar og skipakost. Félagi
Guðmundar í þessari útgáfa var nafni
hans Guðmundur H. Oddsson,
skipstjóri, sá mæti forsvarsmaður sjó-
manna í áratugi og m.a. um langt
skeið ritstjóri þessa blaðs.
Ekki var síður fengur að bóka-
flokknum Mennirnir í brúnni, en þar
er að finna viðtalsþætti við marga
okkar kunnustu starfandi skipstjóra.
Bækurnar eru í fimm veglegum bind-
um og skráði Guðmundur sjálfur
flesta viðtalsþættina, en hann var
prýðilega ritfær.
Kunnustu sjómannahöfundar
Ægisútgáfunnar voru þeir Asgeir
Jakobsson, Gunnar M. Magnúss,
Jóhann J.E. Kúld, Jónas Ámason,
Stefán Jónsson og Þorsteinn Matt-
híasson. Af öðrum höfundum for-
lagsins skal aðeins nefndur Bárður
Jakobsson, fyrsti ritstjóri Vjkingsins,
sem m.a. skrifaði sögu Öldunnar
1893-1943.
Á sjötugsafmæli sínu í febrúar
1982 hugðist Guðmundur setjast í
helgan stein og seldi þá Ægisútgáf-
una. í samtali við Morgunblaðið í
mars sama ár lýsti hann þeim um-
skiptum svo:
„Ég gekk með fulla skjalatösku af
víxlum í tuttugu ár minnar útgáfu-
sögu. En hin seinni ár hafa hjólin
snúist mér í hag og nú er ég búinn að
selja. Þá sjaldan ég hef lent í því að
hagnast hef ég jafnan fyllst efasemd-
um um hver ætti þessa peninga í
raun og veru. Og þær efasemdir hafa
sest á sálina. Það er þetta réttlæti sem
hefur alltaf verið að þvælast fyrir mér
þó að oftast hafi mér nú tekist að
svæfa samviskuna. En í alvöru talað
þá ályktaði ég sem svo að einhvern
tíma verður maður að fara í land.
Hitt má svo fljóta með, mér til afböt-
unar í þessari uppgjöf, að ég hef lengi
átt við vanheilsu að stríða og þar að
auki er ekki víst að endist lengur líf
en litlir aurar.“
En Guðmundur gat ekki óstarf-
andi verið. Hann tók sig upp og flutti
til Hveragerðis, setti þar á fót bóka-
markað og tók að skrá viðtalsþætti
við merka Hvergerðinga. Eftir
tveggja ára veru þar flutti hann aftur í
bæinn og stofnaði nýtt bókaforlag
með vinum sínum Jónasi Árnasyni
og Stefáni Jónssyni. Hét það Reykja-
forlagið og gaf út fjórar bækur eftir þá
félagana fyrir jólin 1984. Sex mán-
uðum síðar var Guðmundur allur, 73
ára að aldri. Það var krabbinn sem
lagði hann að velli.
í nýútkominni viðtalsbók minnist
Jónas Ámason á samstarf sitt við
Guðmund Jakobsson og segir þar
meðal annars:
„Guðmundur var eins og útgef-
endur eiga að vera, en eru því miður
allt of fáir, hann hafði gaman af því
að gefa út bækur án þess endilega að
verða ríkur á því. /.../ Við Guð-
mundur gerðum aldrei skriflega
samninga. Þetta voru ekki einu sinni
handsöl. Við bara kinkuðum kolli
hvor til annars./.../ Við fráfall Guð-
mundar var gott að hugga sig við það
að allt okkar langa samstarf hafði
verið gentlemen’s agreement.
Mérsagt er það, drottinn, aðsála mín
að síðustu fari beint til þín
ogspásséri svo á Himni hám
á hœlbandaskóm og í kyrtli blám,
syngjandi glöð og hörkuhress.
Ég hlakka vitaskuld mjög til þess.
Ég kynniþó mestar þakkir þér
efþú vildir stundum leyfa mér
að fara I skinnbrók ogfara ístakk
ogfara i róður með Gvendi Jakk.
Þetta setti ég saman þegar ég frétti
lát Guðmundar og sendi börnum
hans. Hann hefði átt skilið miklu
lengra kvæði og betra.“
J.F.Á.