Eimreiðin - 01.01.1939, Blaðsíða 18

4
VIÐ ÞJÓÐVEGINN
EIMREIÐIN
einnig sumra sinna eigin stuðningsmanna. En samfara öllu
þessu hervæðast Bretar af meira kappi en dæini eru til áður i
sögunni. Hinn 2. marz er áætlunin um kostnað við hervarnirnar
fyrir fjárhagsárið 1938—39 lögð fram í þinginu. Aætlunin nem-
ur 343 250 000 sterlingspunda. Hinn 14. júni tekur stjórnin 80
milj. sterlingspunda lán til að hervæðast, og enn er í ráði að
auka stórkostlega útgjöldin til hervarna. Brezka ijónið er því
ekki alveg sofandi. Það virðist miklu fremur vera að teygja úr
sér og' rumska. Vinátta Frakka og Breta hefur verið treyst enn
sterkari höndum en áður á liðna árinu, meðal annars með
för brezku konungshjónanna til Parisar í júlí og för Chamber-
lains og Halifax lávarðar þangað 23. nóv. siðastl.
Af öðrum merkisviðburðum frá Bretlandi á liðna árinu má
nefna sýninguna miklu í Glasgow frá 3. maí til 29. okt. (en hana
sóttu alls 12 593 232 gestir) og smíði risaskipsins „Queen
Elizabeth", stærsta skips í heimi, sem sett var á flot í septem-
ber síðastl.
Meðal heimskunnra manna, sem létust á árinu 1938, voru
ítalska skáldið Gabriele D’Annunzio (d. 1. marz), Kemal
Atatúrk, forseti tyrkneska lýðveldisins (dáinn 10. nóv., en í
hans stað kosinn forseti 11. s. m. Ismet Inönu, hershöfðingi) og
Maud Noregsdrotning (d. 20. nóv.). Úr Þjóðabandalaginu
gengu á liðna árinu Suður-Ameríkuríkin Chile og Venezuela.
Samkvæmt árbók Þjóðabandalagsins var 10 miljörðum dollara
varið til vígbúnaSar í beiminum árið 1938, og á yfirstandandi
ári er talið, að þessi kostnaður aukist að mikl-
Frá Þjóða- um mun. Áhrif Þjóðabandalagsins á stjórnmála-
bandalaginu. ástandið meðal stórveldanna hafa minlíað all-
mjög á árinu, og lítur út fyrir að þau álrrif fari
enn minkandi. Aftur á móti vinnur Þjóðabandalagið afarmikið
að allskonar þjóðfélagsendurbótum, heilsufræðilegum, efua-
hagslegum og hagfræðilegum. Kostnaðurinn við Þjóðabanda-
lagið eykst jafnt og þétt, og nemur fjárhagsáætlun þess fyrir
árið 1939 22 799 327 gullfrönkum.
Einhver mesta vísindalega nýjungin frá liðna árinu er upp-
götvun hinna svonefndu þungu rafeinda, sem verða til i efstu
lögum gufuhvolfsins við það að geimgeíslar rekast þar á gas-
tegundir, og eru þessar þungu rafeindir nefndar „mesotrónur".