Eimreiðin - 01.07.1956, Page 21

Listamanna-
launin
eftir Sigurjón Jónsson,
Seint á síðasta Alþingi var flutt frumvarp til laga um lista-
°iannalaun. Þótti ýmsum einkennilegt, að frumvarp þetta,
sem kom frá „Rithöfundafélagi íslands" og snertir alla rit-
höfunda og aðra listamenn landsins, var tekið til flutnings, án
þess leitað væri álits annars rithöfundafélags, sem er Félag ís-
lenzkra rithöfunda og er stærsta rithöfundafélag landsins. Ef
allir gætu verið einhuga um, að frumvarpið væri til bóta, væri
ekkert um þetta að segja. En nú er eitthvað annað en svo sé.
Og hefði verið betra að ráðgast um þetta fyrr. Eftir að frum-
varpið kom fram á Alþingi, var það rætt á fundi í Félagi ísl.
rithöfunda í vor, og þótti þá sjálfsagt, að félagið gerði athuga-
semdir við það. Var þá kosin nefnd til þess að athuga málið
°g gera tillögur til úrbóta.
Nú þykir hlýða, að eitthvað sé birt um þetta mál í Eimreið-
inni, (tímariti Félags ísl. rithöfunda). Er þá fyrst fyrir að sýna
sjálft frumvarpið, sem er í níu greinum þannig:
1. gr. — Veita skal tiltekinni tölu viðurkenndra listamanna
föst listamannalaun eftir lögum þessum.
2. gr. — Sex mönnum skal veita 20 þús. kr. árslaun. Sam-
einað Alþingi ákveður með skriflegri atkvæðagreiðslu og um-
ræðulaust, hverjir þessara launa skuli njóta.
3. gr. — Sex mönnum skal veita 15 þús. kr. árslaun, tólf
Hönnum 12 þús. kr. árslaun og tólf mönnum 8 þúsund kr.