Eimreiðin - 01.04.1974, Síða 42

EIMREIÐIN
HRAFN GUNNLAUGSSON:
Engill af
holdi og blóði
orð mín
nú sé ég þau úr fjarlægð
olíubrunna máva í sandinum
ymur hafsins fastur langt inn í hlustinni
og skyndilega ilmsterk minning
fjaran þakin úrgangi og grænu sorpi
gulir fætur ganga upp í loftið
glansandi aldan lyftir öllum litum regnbogans
áður fyrr flugu englar út úr höfði mínu
himneskir englar af holdi og blóði
af mulinni tónlist, ágjörnum litum og ljósi
lyftust á titrandi augnlokum
úr draumi inn í vöku
fuku út um gluggann
og sigldu á seglháum loftförum
út í tómið
og fylltu tómið óþekktum ástríðum
134