Uppeldi og menntun - 01.01.1995, Qupperneq 41

SIGRÚN AÐALBJARNARDÓTTIR, KRISTJANA BLÖNDAL
svipað hlutfall eða 53% sögðust aldrei hafa fundið á sér. Og þegar unglingarnir
voru orðnir 15 ára sögðust 37% þeirra ekki drekka þegar spurt var um magnið og
39% sögðust aldrei hafa fundið á sér. Um helmingur 14 ára unglinga virtist því hafa
þá mynd af sér að þeir drekki ekki og tæplega 40% þeirra þegar þeir voru 15 ára. Af
framangreindum niðurstöðum má jafnframt sjá að á milli 14 og 15 ára aldurs bætt-
ist um 14% unglinga í þann hóp sem drekkur og er sá munur marktækur (14%
munur +/-2,7%, p<0,05).
Tafla 2
Áfengisneysla á síðustu tólf mánuðum
Hve oft hefur þú drukkið áfengi á síðastliðnum tólf mánuðum?
Aldur Aldrei % 1-2 skipti % 3-5 skipti % 6-9 skipti % 10-19 skipti % Oftar % Samtals % Fjöldi svara
14 ára 41 23 13 8 9 6 100 1283
15 ára 28 17 14 13 16 12 100 1094
Fjöldi þátttakenda 1994: N=1295; 1995: N=1103.
í Töflu 2 eru kynntar niðurstöður um hve oft unglingarnir sögðust hafa neytt áfeng-
is á síðastliðnum tólf mánuðum.
Athygli vekur hve hátt hlutfall unglinganna hefur drukkið tíu sinnum eða oftar
á síðastliðnu ári; nánar tiltekið 15% þeirra sem eru 14 ára og 28% þeirra þegar þeir
eru orðnir 15 ára. Jafnframt kemur fram að ákveðinn hópur eða 77 (6%) 14 ára
unglingar og ári síðar 131 (12%) þeirra hafði drukkið 20 sinnum eða oftar á undan-
gengnu ári. Það þýðir að þeir neyttu áfengis að jafnaði um tvisvar sinnum eða oftar
í mánuði. Telja má að þennan hóp skipi þeir unglingar sem neyta áfengis reglulega.
Af framansögðu má sjá að mikil breidd er í áfengisneyslu unglinga bæði þegar þeir
eru 14 og 15 ára.
Hvorki árið 1994 né 1995 kom fram munur á svörum pilta og stúlkna við
spumingum um hvort og hve oft þau höfðu neytt áfengis.
Magn áfengis
Unglingarnir voru spurðir hve mikið þeir drykkju venjulega af áfengi í hvert skipti
óháð áfengistegundum. Einnig var spurt hve mikið þeir drykkju venjulega í hvert
skipti af áfengum bjór, léttu víni og sterku áfengi. Jafnframt var þeim gefinn kostur
á að svara: Ég drekk ekki. í útreikningum á áfengismagni var þeim hópi að
sjálfsögðu sleppt sem ekki sagðist drekka viðkomandi tegund. Niðurstöðurnar eru
sýndar í Töflu 3.
39