Uppeldi og menntun - 01.01.1995, Síða 93

KRISTÍN UNNSTEINSDÓTTIR
þó ævinlega að vera matsatriði. Allir þessir námsþættir eiga hins vegar heima í
menntun fyrir skólasafnskennara. Þar þurfa þeir að tvinnast saman sem órjúfanleg
heild og taka mið af því hlutverki sem safnkostinum er ætlað að hafa í skóla-
starfinu.
Tafla 4 Val safnkosts á skólasafn. Hvaða þætti reynir á og hvaða fræðigrein tilheyra þeir?
KB Þekking á skáld- og fræðiritum
KB Þekking á nýsigögnum
KB Mat og greining á gögnum
KB Lesskilningur
KB Lestrarvenjur bama og unglinga => s
K Námsefni í grunnskólum
K Kennsluaðferðir í grunnskólum
B Bókfræði, bókaskrár - gagnabankar
K merkir að þátturinn gæti átt heima í námi fyrir kennara
B merkir að þátturinn gæti átt heima í námi fyrir bókasafnsfræðinga
S merkir að þátturinn á ótvírætt heima í námi í skólasafnsfræði.
Að miðla safnkostinum
Skólasafnið þarf að vera í beinum tengslum við skólastarfið í heild en jafnframt að
vera opið fyrir straumum og stefnum samfélagsins. í nútímanum á sér stað hröð
framþróun á sviði upplýsingastreymis og þeirrar tækni og aðferða sem tiltækar eru
til að afla heimilda. Því er brýnt að í grunnskólunum séu nýttir þeir möguleikar
sem nútíma upplýsinga- og fjölmiðlatækni býður upp á en jafnframt er nauðsynlegt
að hafa vakandi auga með gildi þeirra upplýsinga sem í boði eru. Eitt af megin-
markmiðum í skólastarfi ætti því að felast í að gera nemendur færa um að afla
heimilda á eigin spýtur, vinna úr þeim, notfæra sér þær í námi og undirbúa þá
þannig til að mennta sig og fóta í íslensku samfélagi á mótum 20. og 21. aldar. Ekki
er síður mikilvægt að menntunin skapi gagnrýna einstaklinga sem verði færir um
að velja og meta gildi þeirra heimilda sem í boði eru.
Forsendan fyrir kennslu og vinnu af því tagi sem nefnd er að framan er skóla-
safn sem hefur að geyma fjölbreytt úrval heimilda fyrir nemendur og kennara.
Skólasafn nýtist hins vegar aldrei til fulls nema skólastjórnendur og kennarar sýni í
verki að þeir líti á safnið sem tæki til að styðja við nám og kennslu. Viðhorf skóla-
stjórnenda til safnsins hefur augljóslega þýðingu fyrir starfsemina og geta þeir með
skipulagi skólastarfsins haft áhrif á nýtingu safnsins.
Kennarar hafa oft úrslitaáhrif á hvaða vinnubrögð og starfsaðferðir nemendur
92