Tímarit lögfræðinga - 01.04.1954, Side 8

Lárus Fjeldsted hefur verið fai’sæll málafærslumaður og
hefur skrifstofa þeirra félaga verið með stærstu málflutn-
ingsskrifstofum á landinu með f jölda innlendra og erlendra
viðskiptavina, þar á meðal ýmsar erlendar sendisveitir hér
í Reykjavík. Auk starfs síns sem málaflutningsmaður, hafa
hlaðizt á Fjeldsted fjöldi starfa bæði opinber og í sam-
bandi við einkafyrirtæki. Hann hefur þannig t. d. verið í
bankaráði Útvegsbanka Islands frá stofnun hans og í stjórn
Sjóvátryggingarfélags fslands h.f. um fjölda ára. Formað-
ur merkjadóms Reykjavíkur var hann 1930 til 1. jan. 1944
og auk þess setið í fjölmörgum nefndum.
Það, sem einkennt hefur málafærslustarfsemi Lárusar
framar öllu öðru, er raunsýni hans og lægni og góðvilji
til allra manna, bæði starfsbræðra sinna og annarra. Hef-
ur hann verið hinn mesti mannasættir í þessu þjóðfélagi.
Fyrir þetta hefur hann hlotið almennt traust og virðingu
og verið sæmdur fleiri innlendum og erlendum heiðurs-
merkjum en nokkur annar málflutningsmaður. Á fertugs-
afmæli Lögmannafélags Islands var hann ásamt Sveini
Björnssyni forseta, kosinn heiðursfélagi félagsins, og sýnir
það bezt hug stéttarbræðranna til þessa sæmdarmanns.
Lárus er enn starfandi málaflutningsmaður og þykir
því ekki hlýða að fara að skrifa neina minningagrein um
hann, en Lögmannafélag Islands og tímarit þess vill ekki
láta hjá líða að geta þessa heiðursdags Nestors stéttarinn-
ar og óska honum til hamingju með hann og jafnframt
langra og farsælla ævidaga.
Lárus Jóhannesson.
70