Tímarit lögfræðinga - 01.06.1964, Síða 59

8. Loks flutti Ármann Snævarr, liásk.rektor, fróðlegt
erindi um erfðalögin nýju (nr. 8/1962).
Rakti hann aðdraganda að setningu þeirra, eldri lög-
gjöf um efnið hér á landi og á öðrum Norðurlöndum.
Einnig gat hann um helztu njrmæli í lögunum o. m. fl.
Að erindinu loknu var fundi slitið um kl. 19,15. Fund-
inn sátu rúml. 20 lögfræðingar.
Arnljótur Björnsson.
ATHUGASEMD
1 1. hefti þessa árgangs er skrá um lögfræðinga hér á
landi 1. júni 1964. Á bls. 40 segir að 201 þeirra stundi
störf, sem lagapróf þarf til. Er þar átt við að lagapróf
sé skilyrði til stöðuveitingar í settum lögum en ekki þótt
lagapróf megi telja nauðsyn eða venju. Ég býst varla við
því að það verði talið hæfa að ráðuneytisstjóri í dóms-
málaráðunejdinu sé ólöglærður. Sama er að segja um ýms-
ar aðrar ábyrgðarstöður þar og víða annars staðar.
Skýringin á því hvernig ofangreind tala — 201 — er
fundin er dálítið villandi enda talan ekki rétt.
Hér kemur því samandregin skrá, sem vonandi er rétt:
Hæstiréttur: Dómarar 5, ritari 1 ................. 6
Héraðsdómarar utan Reykjavíkur 25 og fulltrúar
jæirra 25........................................ 50
Héraðsdómarar í Reykjavík, lögreglustjóri þar og
tollstjóri 20 og fulltrúar 20 ................... 40
Saksóknari og fulltrúar hans...................... 4
Prófessorar í Lagadeild Háskólans ................ 4
Lögmenn og fulltrúar þeirra .................... 102
Samtals 206
Villan stafar af því að 3 embættismenn (lögreglustjóri
í Reykjavík, tollstjóri og háskólaritari) voru dregnir frá
tvisvar, en aðeins ber að draga háskólaritara frá, enda
þarf lagapróf til þess að vera lögreglustjóri og tollstjóri
sbr. 1. gr. laga nr. 98/1961. Th. B. L.
Timarit lögfræðina
115