Tímarit lögfræðinga - 01.12.1973, Page 25

Frá
Lögfræöingafélagi
íslaitds
SKÝRSLA UM STÖRF
LÖGFRÆÐINGAFÉLAGSINS 1972—1973
SíSasta starfsár Lögfræðingafélagsins var frá aðalfundi 14. desember 1972
til aðalfundar 13. desember 1973. Stjórnarmenn og aðrir sýslunarmenn fé-
lagsins, sem kjörnir voru á aðalfundinum 1972, eru taldir í 1. hefti Tímarits
lögfræðinga 1973. í 2. hefti er getið um samninganefnd, sem kosin var á
fundi 12. júní til að fjalla um kjaramál lögfræðinga í ríkisþjónustu. Nokkur
önnur atriði úr skýrslu þeirri, sem lögð var fram á aðalfundi 1973, skulu
nú rakin:
1. Kjaramál.
Afskipti félagsins af kjaramálum hafa á starfsárinu eingöngu varðað kjara-
mál ríkisstarfsmanna. Með I. nr. 46/1973 um kjarasamninga opinberra starfs-
manna var heimilað, að fjármálaráðherra viðurkenndi heildarsamtök ríkis-
starfsmanna til að fara með fyrirsvar þeirra við gerð kjarasamninga. Viður-
kenning fékkst síðan fyrir Bandalag háskólamanna. Skv. því mun banda-
lagið vinna að gerð aðalkjarasamnings, en Lögfræðingafélagið síðan að
gerð sérsamninga skv. 6. gr. laganna, þ. e. samninga um „skipan starfs-
heita og manna í launaflokka, sérákvæði um vinnutíma, ef um sérstakar að-
stæður er að ræða, fæðisaðstöðu og fæðiskostnað, svo og önnur kjara-
atriði, sem aðalkjarasamningur tekur ekki til og eigi eru lögbundin" eins og
segir í lögunum. Á fundi félagsmanna í ríkisþjónustu 12. júní s. I. var um
þessi mál rætt og kosin sérstök samninganefnd sem fyrr segir. BHM sagði
upp samningum við ríkið og setti fram kröfur í ágústlok. Hefur verið unnið
að þessum málum um langt skeið, einkum innan BHM, en stjórn og samninga-
nefnd lögfræðingafélagsins, svo og fulltrúar félagsins f fulltrúaráði BHM,
hafa fjallað um ýmis atriði.
2. Félagsfundir.
Alls voru 8 félagsfundir á starfsárinu, þar af var einn eingöngu fyrir ríkis-
starfsmenn.
Fræðafundir voru alls 5. Umræðuefni, fyrirlesarar og fundardagar voru sem
hér segir:
Eru fóstureyðingar réttlætanlegar? (Hjördís Hákonardóttir) 22. janúar.
Þróun félagaréttar (Páll Skúlason, Hjörtur Torfason) 26. febrúar.
Dómstólar og fjölmiðlar (Þórður Björnsson) 4. apríl.
Lögfræðiaðstoð án endurgjalds (Gunnar Eydal) 3. maí.
23