Tímarit lögfræðinga - 01.12.1976, Blaðsíða 44

Frá
Lögfræöingafélagi
íslands
SKÝRSLA UM FÉLAGSSTÖRFIN 1975—1976
1. Stjórn.
Aðalfundur félagsins var haldinn 11. desember 1975, i aðalstjórn voru
kosin: Jóhannes L. L. Helgason, Hallvarður Einvarðsson, Kristjana Jónsdóttir,
Jón Steinar Gunnlaugsson, Garðar Gíslason og Brynjólfur Kjartansson. Ekki
þótti ástæða til, að félagið réðist í að koma sér upp skrifstofuaðstöðu né
réði sér starfsmann. Tók félagið því ekki boði um að eiga hlut að skrifstofuað-
stöðu í samvinnu við önnur félög háskólamanna, þegar húsnæði bauðst að
Hverfisgötu 26, þar sem B.H.M. hefur skrifstofu sína. Félagið hefur haldið
flesta almenna fundi sína í Lögbergi. Ritari lagadeildar var félaginu og innan
handar um fundarboð til almennra félgsfunda.
Fjárhagsleg afkoma félagsins á starfsárinu var góð.
2. Félagsfundir.
Haldnir voru 5 fræðslufundir, þar af einn hádegisverðarfundur. Umræðuefni,
fyrirlesarar og fundardagar voru sem hér segir:
a. Skaðabótaréttur á undanhaldi, löggjöf og tillögur um afnám skaðabótarétt-
ar; 4. febrúar. Arnljótur Björnsson prófessor.
b. Frumvarp til laga um rannsóknarlögreglu ríkisins, breyting á lögum um
meðferð opinberra mála, laga um skipun dómsvalds í héraði o.fl.; 10. marz.
Björn Sveinbjörnsson hrd., formaður réttarfarsnefndar, og Haraldur Henrýs-
son, sakadómari.
c. Ný lög um fjölbýlishús; 20. apríl. Hrafn Bragason, borgardómari.
d. Spjall um nokkur störf sýslumanna og hugmyndir að breyttri umdæma-
skipan; 28. október. Sigurgeir Jónsson, bæjarfógeti.
e. Um Mannréttindanefnd Evrópu; 24. nóvember (hádegisfundur). Gaukur Jör-
undsson, prófessor.
3. Málþing um sjórétt.
Félagið efndi til námskeiðs um sjórétt, og var það haldið í Grindavík 2.
október. Námskeiðið var mjög vel sótt. Þar flutti Arnljótur Björnsson prófessor
erindi um skaðabótaábyrgð útgerðarmanns utan samninga, Benedikt Sigur-
jónsson hæstaréttardómari um flutningsábyrgð farmflytjanda, Gunnar Sæ-
mundsson hdl. um réttarstöðu sjómanna og Ragnar Aðalsteinsson hrl. um af-
182