Ægir - 01.09.1994, Blaðsíða 17

Spurning mána&arins, frh.
hugsa um að bæta kjör þeirra heldur hafa
þeir í huga breytingu sem hefur í för með
sér lækkun á launum þeirra.
Þeir menn sem vilja endurskoða launa-
kerfi sjómanna og skerða kjörin ættu að
hafa í huga hversu hættulegt og erfitt starf
sjómannsins er þar sem fleiri menn farast
af slysförum í sjómannsstarfinu heldur en
öllum landstörfum á íslenskum vinnu-
markaði samanlagt. Einnig er slysatíðni
sjómanna mjög mikil vegna þeirrar vinnu-
aðstöðu sem þeir búa við.
Þeir sem sjá ofsjónum yfir launum sjó-
manna ættu að gera sjálfa sig að tilrauna-
dýrum og fara til sjós í nokkra mánuði eða
ár til þess að kynnast aðstæðum og þeim
lífsskilyrðum sem sjómenn búa við og þá er
hætt við að skoðanir þeirra breyttust. Þeir
ættu að kynna sér hinar ýmsu veiðigreinar
þar sem kjörin geta ýmist verið góð eða
mjög slæm og ef kjörin eru góð þá eykst að
sjálfsögðu vinnuálagið hjá sjómönnum en
þá eykst líka hlutur útgerðarinnar.
Það hljóta að vera sameiginlegir hags-
munir sjómannsins og útgerðarmannsins
að þannig sé gengið um þann afla sem
fæst að báðir aðilar hafi af því hag en það
kynni að breytast ef setja ætti sjómenn á
fastlaunakerfi.
Segjum t.d. að núverandi hlutaskipta-
kerfi yrði lagt niöur og sjómenn færu inn á
launakerfi landverkafólks. Þá gefur auga
leið að þeir myndu verða á launum allan
sólarhringinn vegna þess að þeir geta nán-
ast aldrei yfirgefið vinnustað sinn. Einnig
yrði að meta í launum hve miklar fjarvistir
þeir hafa frá fjölskyldum sínum og einnig
eru þeir utan við allt almennt prógramm
samfélagsins og hlýtur hver maður að geta
gert sér í hugarlund hversu erfitt hlutskipti
það er. Ég tel að þegar upp yrði staðið
mundu öll þau launakerfi sem til greina
koma ekki verða til þess að lækka kostnað
útgerðar hvað varðar laun.
í lokin vil ég skora á Jónas Haraldsson
lögfræðing LÍÚ að taka vin sinn Kristján
Ragnarsson formann LÍÚ með sér til sjós í
svona eitt til tvö ár og þeir ættu að prófa
hinn ýmsa veiðiskap og að þessari reynslu
lokinni þá ættu þeir félagarnir að gera upp
við sig hvort þeir séu tilbúnir að skipta á
sínum launum og vinnuaðstöðu fyrir
sjómannsstarfið." ö
BOSCH
ÞJÓNUSTA
DIESELVERKSTÆÐI
VARAHLUTAÞJÓNUSTA
ÁRATUGA ÞEKKING OG REYNSLA
í STILLINGUM OLÍUKERFA DIESELVÉLA
ORMSSON HF
LÁGMÚLA 9, SÍMI 38820
ÆGIR SEPTEMBER 1994 17