Tímarit lögfræðinga - 20.11.1993, Síða 76

vera sérfræðingar sem geti túlkað lögin. Hann telur mögulegt að kjósa dórnara
að undangengnu hæfnisprófi; einnig sé hugsanlegt að fagfélag velji dómara.
Hann telur skipun dómara eins og hér á landi tíðkast samrímast lýðræðinu.
Þá bendir Mikael á að í sögulegum skilningi - ekki aðeins hér á landi -sé
almennt góð reynsla af dómurum.
Ólafur Helgi Kjartansson, sýslumaður á Isafirði spyr hvort Mikael telji rétt
að handhafar framkvæmdavaldsins séu kosnir beint.
Mikael svarar játandi; unnt eigi að vera að losna við ákveðna menn eða
flokk manna með þeim hætti. Hann telur framkvæmdavaldið langhættulegast
lýðræði. Hann lítur á vald almennings sem nokkurskonar neitunarvald; sé það
ekki fyrir hendi sé ekkert lýðræði, heldur yfirborðslýðræði.
Þá beinir Jón Þorsteinsson, héraðsdómari þeirri spurningu til Mikaels, hvort
hægt sé að ná frarn fullkomnu lýðræði.
Mikael svarar því til að það sé ekki hægt enda þurfi til þess fullkomið
þjóðfélag. Með þessum orðum batt frummælandi enda á umræðumar
Fundarstjóri þakkaði þá stjórn dómsmálaþings fyrir gott efnisval og gott
þing í heild og sleit dómsmálaþingi 1993.
74