Tímarit lögfræðinga - 01.10.2001, Qupperneq 88

gildir um stjórnarmenn.61 Hugtakið fast starf verður hins vegai' að skýra í sam-
ræmi við lög og gildandi kjarasamninga í hverri starfsgrein. Að jafnaði er þó
krafist ótímabundinnar ráðningar með lögbundnum og/eða samningsbundnum
uppsagnarfresti. Tímabundið ráðinn rnaður rnyndi því ekki teljast fastráðinn
samkvæmt þessum skilningi, nema ljóst sé af atvikum málsins að hann teljist í
raun fastráðinn.
Valréttarverð. Með valréttarverði er átt við það verð sem starfsmaður öðlast
rétt til að kaupa hlutabréfin á þegar kaupréttarsamningur er gerður. Ef hlutabréf
félagsins eru skráð í kauphöll má það verð ekki vera lægra en vegið meðalverð
í viðskiptum með þau tíu heila viðskiptadaga fyrir samningsdag.62 Til að finna
það verður því að deila í heildarfjárhæð viðskipta með hlutabréf félagsins með
heildarfjölda viðskipta á tíu daga tímabili fyrir samningsdag. Má það ekki vera
lægra en gangverð, sbr. skilgreininguna á því hér að ofan. Er því ekki heimilt
að miða við undirverð, það er lægra verð en hlutabréfin hljóða á. Ef hlutabréf í
félagi eru ekki skráð í kauphöll skal miða við gangverð þeirra í viðskiptum,
annars bókfært verð eigin tjár samkvæmt síðasta endurskoðaða ársreikningi eða
árshlutareikningi hlutaðeigandi félags. Telja verður að það eigi undir félag að
upplýsa um kaupverð á hlutabréfum félags samkvæmt framansögðu og láta
gögn um það fylgja með valréttaráætlun þegar staðfestingar rfldsskattstjóra er
beiðst á henni.
Hámark kaupréttar. Hámark kaupréttar hvers starfsmanns samanlagt á ári
má ekki vera hærra en 600.000 kr. Kaupi starfsmaður fyrir hærri fjárhæð skatt-
leggjast kaupin í heild sinni samkvæmt 8. gr. A SL. Er því óheimilt að hlutfalla
muninn á gangverði hlutabréfanna og valréttarverðinu þegar svo stendur á og
skiptir í sjálfu sér ekki máli hvort það grundvallast á fleiri en einum samningi.
Hins vegar er ekki skilyrði að allir starfsmenn eigi sama rétt.63 Getur hlutafélag
því ákveðið að starfsmenn sem starfað hafa lengur í fyrirtækinu geti keypt
stærri hluti en starfsmenn er hafa starfað skemur. Sama gildir um starfsmenn í
stjórnunarstörfum og almennum störfum, sbr. og það sem segir um umfangið
hér að framan.
Biðtími. Að lágmarki þurfa 12 mánuðir að líða frá gerð samnings um kaup-
rétt á hlutabréfum þar til hann er nýttur. Starfsmaður sem gerir slíkan samning
getur því ekki nýtt sér hann fyrr en 365 dagar eru liðnir frá undirskrift hans.
61 Sbr. Alþingistíðindi, A-deild, 1999-2000, bls. 4462.
62 Svo breytt með b-lið 3. gr. laga nr. 149/2000. Þetta er almenn regla sem myndi vera talin gilda
þótt ekkert segði um hana í lögum. í því ljósi hefði því verið eðlilegra að hafa hana f 8. gr. A þar
sem gangverð hlutabréfa er skilgreint.
63 Sbr. Alþingistíðindi, A-deild, 1999-2000, bls. 4462.
236