Tímarit lögfræðinga - 01.10.2001, Side 98

Á verksviði dómsmálaráðimeytisins er að taka þátt í undirbúningi alþjóða-
löggjafar sem bindandi verður fyrir Þýskaland og löggjafar Evrópusambands-
ins. Þá tekur ráðuneytið þátt í þeirri lagasamræmingu sem unnið er að á vegum
Evrópusambandsins og er þar ljóslega um merkileg mál að ræða sem of langt
mál væri að reyna að lýsa hér.
Hæstiréttur Þýskalands (Bundesgerichtshof), Stjórnsýsludómstóll alríkisins
(Bundesverwaltungsgericht) og Bundesfinanzhof, sem fer með mál er varða
tekjuöflun ríkisins, heyra stjórnarfarslega undir ráðuneytið en lögsaga þessara
dómstóla nær til landsins alls. Fleiri alríkisdómstólar heyra undir dómsmála-
ráðuneytið sem minni þýðingu hafa. Stjórnlagadómstóllinn (Bundesverfass-
ungsgericht) nýtur hins vegar að þessu leyti sérstaks sjálfstæðis.
Lögregla og lögreglumál heyra ekki undir dómsmálaráðuneytið heldur inn-
anríkisráðuneytið. Að öðru leyti má segja í stórum dráttum að réttarkerfið sé í
höndum ríkjanna, en hvert þeirra hefur eigið dómsmálaráðuneyti.
Eftir hádegi var Dómarafélag Þýskalands (Deutscher Richterbund) heimsótt.
Aðalskrifstofa þess er skammt frá dómsmálaráðuneytinu. Þar var starfsemi fé-
lagsins lýst af framkvæmdastjóra þess og formanni Berlínardeildar félagsins.
Það er sérstakt fyrir þýska dómarafélagið að saksóknarar eiga aðild að því og
hefur svo verið frá upphafi, en félagið var stofnað árið 1909. Þeir sem sátu fyrir
svörum gátu ekki ímyndað sér að það fyrirkomulag gæfi neitt tilefni til gagn-
rýni enda hefði hún ekki komið fram. Þýska dómarafélagið er í raun samband
félaga dómara og saksóknara hinna einstöku ríkja og eru félagsmenn um
14.000. Þessi hópur er þó um 26.000 manns þannig að aðeins rúmur helmingur
er félagsbundinn.
Á fundi hjá Dómarafélagi Þýskalands.
246