Tímarit lögfræðinga - 01.10.2001, Side 103

Léttur hádegisverður snœddur í Potzdam.
Laugardaginn höfðu menn til frjálsrar ráðstöfunar. Síðdegis sunnudaginn 9.
september var lagt af stað heim og þangað komið undir miðnætti.
Þessi ferð var vandlega skipulögð af stjórn Dómarafélags íslands og stóðst
skipulagningin í hvívetna. Stjóm félagsins á miklar þakkir skyldar fyrir vikið,
einkum þó formaðurinn Helgi I. Jónsson sem var þar í fararbroddi svo og þegar
á hólminn var komið. Heimsókn sem þessi hefur töluvert mikið gildi, ekki síst
að því leyti að dómarar koma í nýtt umhverfi og sjá hvemig tekið er á svipuðum
málum og þeir fást við daglega, þeir læra ýmislegt og fá tækifæri til þess að
bera stöðu sína saman við stöðu starfsbræðranna. Amstur dagsins heimafyrir
verður eflaust skoðað í nýju ljósi að minnsta kosti fyrst um sinn.
Friðgeir Björnsson.
251