Árbók Háskóla Íslands - 01.01.1969, Side 44

42
kunna sænska ferðasögu frá 17. öld frá málfarslegu sjónarmiði.
Frú Magda King frá Edinborg flutti tvo fyrirlestra í boði guð-
fræðideildar 28. og 29. marz 1969 um heimspeki Heideggers.
Nefndust fyrirlestrarnir „Truth and Technology“. Frú King hafði
einnig viðræðufund með stúdentum í guðfræðideild.
Dr. C. W. Cleland frá Hammersmith Hospital, London, flutti
fyrirlestur í boði læknadeildar 17. júlí 1969. Nefndist hann „The
Management of Coronary Heart Disease".
Sunnutlagsfyrirlestrar.
Prófessor Sigurður Samúelsson flutti fyrirlestra í hátíðasal
Háskólans 16. og 23. marz 1969. Nefndist hinn fyrri: „Bráður
dauði og einkenni frá blóðrásarfærum samkvæmt könnun á
fornbókmenntum“. Hinn síðari nefndist: „Ýmsir sjúkdómar og
læknisdómar í fornbókmenntum“.
Hannesar Árnasonar fyrirlestrar.
Þorsteinn Gylfason, B.A., sem verið hefir Hannesar Árna-
sonar styrkþegi undanfarin ár, flutti þrjá fyrirlestra, kennda
við sjóð Hannesar Árnasonar, í marz 1969. Heildarheiti fyrir-
lestranna var „Manneskjan — viðfangsefni vísindanna". Hinir
einstöku fyrirlestrar nefndust: Frumspeki og framstefna,
Mannssál og meðvitund, og Atferli og umhverfi.
Rannsóknarslarfsenii og skipulag hcnnar.
Málefni þessi voru m. a. til umræðu i háskólaráði hinn 14.
ágúst 1969, og var samþykkt tillaga rektors m. a. á þá leið,
að háskólaráð lýsi yfir þeirri skoðun sinni, að sem mest af
rannsóknarstarfsemi, einkum undirstöðurannsóknir, skuli lagð-
ar til Háskólans. Enn fremur að samþykkt verði að stofna til
endurskoðunar á löggjöf um rannsóknarstofnanir með það fyr-
ir augum að kanna, hvort ekki sé rétt að tengja þær að nokkru
eða öllu við Háskólann.