Árbók Háskóla Íslands - 01.01.1969, Qupperneq 204

202
Framkvæmdastjóra hennar var falið að annast rekstur þess. Skömmu
síðar var verð ákveðið fyrir sumarið 1969. í nóvember 1968 var gengi
íslenzku krónunnar lækkað. Hótelverðið var tekið til endurskoðunar
og síðan ákveðið þannig fyrir nóttina: einsmannsherbergi 5$ eða 440
kr., tveggjamannaherbergi 7$ eða 615 kr.
Veitingasala í mötuneyti hótelsins hafði verið leigð út til Tryggva
Þorfinnssonar, matreiðslumanns. Ákveðið var að halda áfram sam-
starfi við hann. Matarverð hótelsins fyrir sumarið 1969 var ákveðið
þannig: morgunverður 75 kr., hádegisverður 150 kr., kvöldverður
175 kr.
Nýting hótelsins sumarið 1969 nam tæpum 75%. Hótelherbergi
eru alls 84. Á hótelinu unnu alls 20 manns sumarið 1969.
Þann 14. júní 1969 afhenti Gideon-félagið Hótel Garði biblíuna á
íslenzku og ensku, eitt eintak á hvoru máli á hvert herbergi hótelsins.
í lok október 1969 var hótelverð fyrir sumarið 1970 ákveðið þanti-
ig: einsmannsherbergi 6$ eða 528 kr., tveggjamannaherbergi 8$ eða
704 kr. Matarverð: Morgunverður 80 kr., hádegisverður 167 kr., kvöld-
verður 193 kr. Verð herbergja hækkar um 14—20%, en matarverð
10% til jafnaðar frá sumrinu 1969.
Kaffisala stúdenta.
í 4. tl. 2. gr. reglugerðarinnar segir: „Eignir og skuldbindingar
Kaffisölu stúdenta hverfa til stofnunarinnar, og tekur hún við rekstri
Kaffisölunnar."
Stjórn stúdentaráðs annaðist rekstur kaffisölunnar, þar til félags-
stofnunin tók við rekstrir.um, þegar honum lauk skólaárið 1967/1968
Þær Fjóla Halldórsdóttir og Jóhanna Lárusdóttir undirbúa og selja
veitingar í kaffisölunni og annast vörukaup. Fjárreiður og eftirlit
kaffisölunnar er í höndum framkvæmdastjóra félagsstofnunar.
Afskipti stjórnarinnar af rekstri kaffisölunnar miðuðu fyrst og
fremst að tilraunum til að auka hagræðingu og afgreiðsluhraða í
kaffistofunni. Var skenkiborði og fleiru breytt í þessu skyni. Einnig
var keypt hraðvirk uppþvottavél til kaffisölunnar.
Vorið 1969 barst beiðni frá nokkrum hóp stúdenta um að fá að
snæða í hádeginu í húsakynnum kaffistofunnar. Féllst stjórnin á að
reyna þetta til reynslu fyrst um sinn og skyldi stofan vera opin frá
12.15—13.15. Það skilyrði var sett, að stúdentar tryggðu nægilegt
eftirlit. í nánum tengslum við þetta leyfi var sú framkvæmd, að
skipta kaffistofunni í tvennt meö harmoníkuhurð, og er fremra her-
bergið alltaf opið.
Verð á söluvörum í kaffistofu er frá 1. júní 1969: kaffi, te og
i