Búnaðarrit - 01.10.1917, Blaðsíða 64

302
BÚNAÐARRIT
Fram voru lögð þessi skjöl:
14. Erindi frá sýslumanninum í Þingeyjarsýslu um
rannsókn á þara, með 4 fylgiskjölum. Afhent búfjár-
ræktarnefnd.
15. Erindi frá Búnaðarsambandi Dala og Snæfellsness
um tillag til sambandsins 1918 og 1919 og reikningar
þess 1915 og 1916. Afhent fjárhagsnefnd.
Forseti skýrði frá gjöf Þórhalls biskups Bjarnarsonar
til minningarsjóðs um Björn son hans, sbr. aðalfundar-
skýrsluna, og lagði fram og las skipulagsskrá um sjóðinn,
samda af börnum gefanda (þingskjal 1.). Stjórnarnefndin
hafði, samkvæmt tiiætlun gefanda, tekið við umsjón
sjóðsins í von um samþykki búnaðarþings. Var það sam-
þykki veitt í einu hljóði.
Reikninganefnd lagði fram álit sitt (þingskjal 2.). Eftir
tillögu hennar voru reikningarnir allir (sjá 1. fund) sam-
þyktir í einu hljóði.
Lagabreytinganefnd lagði fram álit sitt (þingskjal 3.).
Var tillaga nefndarinnar eftir allmiklar umræður samþykt
með 10 atkvæðum samhljóða.
Jarðræktarnefnd lagði fram álit sitt um erindi Einars
Helgasonar um gróðrarstöðina í Reykjavík (þingskjal 4.).
Eftir allmiklar umræður voru tillögur nefndarinnar, 1.
og 2., samþyktar í einu hljóði.
Fundur ákveðinn næsta dag kl. 5 síðdegis.
3. f u n d u r.
Laugardaginn 30. júní.
Lagt fram álit búfjárræktarnefndar um erindi Jóns Á.
Guðmundssonar um lán til ostagerðarbús (þskj. 5.). Tillaga
nefndarinnar samþykt í einu hljóði.
Ijagt fram álit sömu nefndar um sauðfjármörk (þskj. 6.).
Eftir nokkrar umræður var tillaga nefndarinnar samþykt
með 10 samhljóða atkvæðum.