Búnaðarrit - 01.01.1930, Blaðsíða 222

214
BÚNAÐAKRIT
8. janúar kom Ásgeir dýralæknir Ólafsson til okkar
og starfabi meö okkur aö rannsóknunum stööugt upp
frá því.
Fyrst lá fyrir okkur að ganga úr skugga um orsök
veikinnar. Til þess fengum við send lungu og fleiri líf-
færi úr fé, sem drepist hafði á bæjunum í kring. Alls
rannsökuðum við líífæri úr 20 kindum. Voru þau öll
rannsökuð nákvæmlega, skrifaðar lýsingar á þeim breyt-
ingum sem í þeim fundust og gerðar nákvæmar sýkla-
rannsóknir úr þeim öllum.
Þar sem ýmsir hafa haldið ab ormar ættu mikinn þátt
í þessari veiki, var sérstaklega gefinn gaumur að hvort
lifandi ormar fynndust i lungunum. Þetta var athugað
bæði með berum augum og eins með smásjár-rannsókn-
um, til að geta séö lirfurnar. Lifandi ormalirfur fundust
aðeins hjá 3 kindum af 20, en ormaörður, sem eru
smáhreiður með dauðum ormalirfum í, fundust hjá flest-
um. Aðeins hjá 2 kindum fundust engin merki um
orma. Lungnaormar virðast yfiileitt vera svo algengir
í sauðfé á þessu svæði, að það má heita undantekning
að finna alveg ormalaus lungu. — Þessar rannsóknir
bentu ekki til að ormarnir ættu beinlínis neina sök á
veikinni, þar sem lifandi lirfur fundust aðeins hjá 3
kindum. Seinni tilraunir, í sambandi við sýkingartilraunir,
sýndu allgreinilega að ormarnir eiga enga sök á veikinni.
Hins vegar staðfestu rannsóknirnar athuganir mínar
frá síðastl. vori, nefnil. að sérstakur sýkill væri valdur
að veikinni.
Frá hverju einasta sjúkdómstilfelli af þeim 20,
sem við rannsökuðum, tókst að rækta samskonar sýkil
úr lungunum. 1 flestum tilfellum líka úr hjartablóði og
lungnaeitlum. í nokkrum líka frá lifur og jafnvel
nýrum.
All-nákvæmar rannsóknir voru gerðar á þessum sýkli.
Meðal annars prófuð áhrif hans á 14 mismunandi sykur-
tegundir, og fannst að hann gerjar ákveðnar sykurteg-