Morgunn - 01.06.1953, Page 10

4
MORGUNN
Deilan
harðnar.
að Einar H. Kvaran boðaði til almenns umræðufundar í
Nýja Bíói, þar sem allmargir tóku til máls. Aftur kom
Hallesby hingað til lands að óskum skoðanabræðra sinna
hérlendra fyrir fáum árum. Og vegna þess, að þessi norski
trúmálaleiðtogi á skoðanabræður innan kirkju vorrar, þótt
þeir telji skynsamlegra að láta ekki mikið á því
bera, skiptir oss Islendinga þessi deila frænda
vorra austan hafs. Þegar komu fram andmæli
gegn brennisteinsprédikun Hallesbys, og mesta athygli
vakti, er biskupinn í Hamri, dr. Kr. Schelderup, lærður
maður og ágætur, geklc fram fyrir skjöldu og reit andmæli
í eitt norsku blaðanna. Hamarbiskupinn er mörgum Is-
lendingum kunnur. Hann kom til Rvikur fyrir hálfu öðru
ári og flutti erindi um kristindómsmál, sem þóttu ágæt,
og prédikun í dómkirkjunni. Nú reis þessi ágæti maður
gegn helvítisógnunum Hallesbys, og hiti færðist í málið.
Greinunum rigndi yfir blöðin, með og móti. Þess var opin-
berlega krafizt, að biskupinn segði tafarlaust af sér og
að honum yrði vikið úr norsku kirkjunni, með því að
hann stæði ekki lengur á játningagrundvelli kirkjunnar,
þar sem hann tryði ekki á eilífa útskúfun og ævarandi
refsingu ófrelsaðra manna í helvíti. Lét biskupinn vitan-
lega þá firru eins og vind um eyrun þjóta, en skoraði þó
á heittrúarmenn að kæra sig fyrir réttum aðilum, norsk-
um dómstólum. 1 deilu þessari kom margt
kynlegt fram, enda tóku margir til máls.
Norskur dómari og merkur maður benti
á það í blaðagrein, að ef Hallesby héldi þvi fram, að ein-
hver vaknaði næsta morgun í helvíti, þá væri hann ekki
lengur í samræmi við lútersku erfikenninguna, því að hún
héldi þvi fram, að hinn endanlegi dómur félli fyrst á hin-
um efsta degi við lúðurhljóminn, og að þá yrðu frelsaðar
sálir leiddar inn í dýrðina, en fordæmdum steypt í ævar-
andi kvalalíf og glötun. Enn væri engin sál komin í kvala-
staðinn.
Lúðvig Guðmundsson skólastjóri var staddur í Noregi
Enginn enn
í kvalastaðnum.