Morgunn - 01.06.1953, Qupperneq 15

MORGUNN
9
Gerloff í bréfi til ritstj. MORGUNS: „1 janúarmánuði 1952
og 1953 hélt ég merkilega fundi með Einer Nielsen. Við
fengum að sjá 75 líkamninga. Ég gat gengið úr skugga
um andardrátt þriggja líkamninganna, talið hjartaslögin,
náð fingurmótum þeirra, fengið þá til að tala á stálþráð
og gert margar aðrar athuganir."
Merkilegt samstarf
áttu þau um 17 ára skeið, ameríski miðillinn frú J. H.
Conant og Luther Colby, ritstjóri spíritistablaðsins The
Banner of Light. Frú Conant (1831—1875) var svo af-
burða mikill miðill, að Colby greiddi henni allan kostnað
fyrir að hafa tilraunafundi ókeypis fyrir almenning 17
síðustu æviár hennar. Trans-orðsendingar hennar voru
ákaflega sannfærandi og þóttu jafnan bera skýran svip
þeirra framliðnu manna, sem þær tjáðust vera frá, og þær
voru birtar opinberlega í hverri viku. Hún flutti opinber-
lega ræður undir transáhrifum, sem mikið þótti til koma,
og mikið orð fór af henni sem lækningamiðli. En aðgangur
var öllum heimill endurgjaldslaust. Hún fullyrti, að meðan
hún svæfi transsvefninum og fyrirbrigðin gerðust, væri
hún sjálf fyrir utan líkamann og færi víða. Sérlega þótti
merkilegt, að tvifaralíkami hennar birtist þrásinnis hjá
öðrum miðlum, langar leiðir frá staðnum, sem hún var
það augnablikið stödd á sjálf, og einu sinni birtist hann
einum vina hennar í fjarlægð. Hún skrifaði ósjálfrátt og
talaði i transsvefni á mörgum tungumálum, sem hún kunni
ekkert í sjálf, einkum á indverskum mállýzkum.
Um hana og miðilsstarf hennar voru ritaðar tvær bæk-
ur, meðan hún var enn á lífi: Flashes of Light from til
Spirit Worid, 1872, og Biography of Mrs. J. H. Conant,
1873.
Úr Encyclopædia of Ps. Science.