Morgunn - 01.06.1953, Síða 35

Líkamningur talar grísku
við háskólakennara í forntungum.
★
Próf. T. J. Haarhoff, kennari í fomtungum við háskól-
ann í Witwatersrand í Suður Afríku, birti nýlega frásögn
af mjög merkilegum líkamningafyrirbærum, er hann varð
vottur að hjá Harris-hjónunum í Cardiff í Wales, en þá
var hann á ferðalagi í Englandi. Prófessorinn hefur rekið
miðlatilraunir um langt skeið, og m. a. var hann sann-
færður um, að hafa náð miðilssambandi við forngrískan
mann. Á tilraunafundi fyrir líkamningafyrirbæri, er hann
sat hjá áður nefndum hjónum, kom þessi vera líkömuð
fram og talað við hann á forn-grísku. í blaðinu Ps. News
segist prófessornum þannig frá:
„Háskólamenn eru oftast mjög tregir til að viðurkenna
sálræn fyrirbæri, og er það vegna þess, hve erfitt er að
ná vísindalegum sönnunum.
Svo var um mig, þangað til fyrir 16 árum. Þá varð ég
fyrir því happi að ganga úr skugga um staðreyndir, sem
nægðu mér. En nú fyrir skömmu gekk ég úr skugga um
nýja — mér nýja — tegund sálrænna fyrirbrigða, sem
eru tvímælalaus. Þetta gerðist í heimili Alec Harris-hjón-
anna í Cardiff. Ég óska að taka það fram, að ekki verður
ofsögum sagt af siðferðilegum hreinleik, trúmennsku við
háleitan tilgang og sjálfselskulausri þjónustu frú Harris,
eða hinu, hve furðulegir, einstæðir og hafnir yfir allan
grun eru hæfileikar hr. Harris til líkamningafyrirbæra.
Ég set fram þessar staðhæfingar eftir margra ára rann-
sóknir og margvísleg vonbrigði yfir miðlum, sem hafa
svikið fyrirbrigðin.
Fyrir h. u. b. 10 árum náði ég sambandi — í Johannes-
burg í Suður- Afríku — við forngrískan heimspeking, sem