Morgunn - 01.06.1953, Side 50

44
MORGUNN
með ósjálfráðri skrift skýrði Kate honum frá því, að vegna
þess að nótnaborðið á hljóðfærinu, sem hún notaði nú í
heimkynni sínu, væri miklu fullkomnara og gæfi miklu
meiri möguleika en hið jarðneska nótnaborð, hefði hún
ekki getað túlkað til fulls það, sem hún hefði ætlað að túlka.
Kate lék með höndum önnu litlu oftar. Hún var gestur dr.
Westwoods öðru hvoru um nokkurra vikna skeið.
Hver var Kate? Eða hvað var hún? Dr. Westwood segist
ekkert geta fullyrt um það, fremur en um Rut og Ralph,
en eins og þau hafi haft sín ákveðnu persónueinkenni, svo
hafi einnig Kate haft. Hann bendir á það, að einnig við
þessar tilraunir hafi Anna verið fullkomlega hún sjálf,
engin merki hafi verið um persónuskipti eða persónu-
klofning. Hann bendir á, að hugsanlegt sé, að allt hafi
þetta verið einhvers konar leikaraskapur önnu litlu, en
svo komu önnur atvik, sem gerðu þá tilgátu óhugsandi.
Kvöld nokkurt var Westwood-fjölskyldan í kvöldverðar-
boði hjá nánu vinafólki sínu, sem vissi um þessar tilraunir.
Með ljúfu samþykki önnu litlu var bundið fyrir augu
henni, og Rut gerði vart við sig. Hún bað alla viðstadda
að skrifa spurningu á bréfræmu, láta engin nöfn fylgja,
vefja miðana saman vandlega og láta síðan alla miðana
í skál. Skálin var nú rækilega hrist, svo að miðarnir
rugluðust vel saman, en síðan var skálin borin til önnu,
sem var gersamlega blinduð, eins og áður segir.
Nú tók hún upp miðana, hvern af öðrum, sagði rétt frá,
hver skrifað hefði hvern einstakan miða, og svaraði spurn-
ingunum, sem skrifaðar voru á miðana. 1 tveim eða þrem
tilfellum sagðist hún ekki geta svarað spurningunni, en
öll hin svörin voru nákvæmlega rétt og sýndu þekking,
sem lá langt fyrir ofan skilning hennar, ellefu ára gamallar.
Dr. Westwood bendir á þessar staðreyndir: ,,1) Vand-
lega var bundið fyrir augu önnu, svo að hún gat ekkert
séð. 2) Spurningarnar á blöðunum voru allar ómerktar.
3) Hver bréfræma fyrir sig var vandlega vafin saman og
þá lögð í skál með loki. 4) Á hverja bréfræmu var rituð