Morgunn - 01.06.1953, Qupperneq 73

MORGUNN
67
draumi, þó að hér væri um merkilegt samdreymi þriggja
að ræða, og fengum við föður okkar til að falla frá
ákvörðun sinni. Þrem vikum síðar skall á allsherjar banka-
hrun og við urðum fyrir stórfelldu tjóni.
Tveir aðalbankarnir stóðu nálægt húsi okkar, svo að
til þeirra sást að heiman frá okkur. Síðar fréttum við, að
mánuðum saman fyrir hrunið hefðu allir forráðamenn
bankanna setið þar á ráðstefnum til að reyna að afstýra
hruninu. Svo sýndist sem áhyggjum þeirra hafi verið eins
og útvarpað til sofandi móður minnar og systra, sem hafi
getað veitt móttöku fjarhrifunum.
1 októberhefti Blackwood’s Magazine árið 1930 segir
undirforingi kafbáts nokkurs frá merkilegu atviki. Eftir
að hafa barizt í tuttugu klukkustundir ofan sjávar í óveðri,
komst kafbáturinn loks á mararbotn. Ákveðið var að þeir
kæmu upp á yfirborðið aftur kl. 10 um kvöldið, og maður
var settur á vörð til að gæta tímans. Systir foringjans
gegndi ábyrgðarstöðu í hergagnaverksmiðju. Nú dreymdi
foringjann, að hann sæi systur sina í vinnustofu hennar,
sem lá nokkuð frá aðalvinnusalnum í verksmiðjunni. Hon-
um til undrunar sá hann, að systir hans var sofandi. Með
skelfingu horfði hann á eldtungur læðast að aðalvinnu-
salnum, og innan fárra andartaka varð þarna ægileg
sprenging. Skeifingin og hávaðinn í drauminum vakti hann.
Hann vaknaði sitjandi uppi í rúmi sinu, en hafði rekið
höfuðið fast í bita fyrir ofan sig. Hann glaðvaknaði af
þessu, og sá, að allir í kring um hann voru í fasta svefni,
varðmaöunnn líka. Hann leit á klukkuna, hún var orðin
tíu. Þeir áttu að vera komnir upp á yfirborð hafsins. Hon-
um brá illa og gerði sér þegar ljóst, að óðara yrðu þeir
að fá ferskt loft í kafbátinn. Honum tókst að vekja
nokkra félaga sína og með hjálp þeirra kom hann kaf-
bátnum upp á yfirborðið. Þegar þangað var komið, sá
hann sér til undrunar, að kominn var glaðbjartur dagur!
Klukkan var orðin tiu að morgni. „Draumi yðar er það