Morgunn - 01.12.1957, Page 52

138
MORGUNN
leggur hans varð máttlaus. Hungur og vonarvöl beið hans.
Inn í svefnherbergi hans kom ókennd Dóminikana-nunna,
settist brosandi við rúmstokkinn, og strauk handlegg hans
mjúklega. Hún hvarf eins furðulega og hún kom, en Diego
fékk fullan mátt í handlegginn og hélt atvinnu sinni áfram
til æviloka. Nokkuru síðar sá hann mynd af nunnu og
þekkti óðara,, að þar var dularfulli gesturinn hans. Nunn-
an raunverulega var látin fyrir nokkurum árum.
Dr. Summers segir ennfremur frá því, að nunnan Co-
lomba frá Rieti hafi þrásinnis birzt í klaustrinu eftir
dauða sinn og talað við systurnar. Hún hafi komið og faðm-
að að sér príórinnuna í klaustrinu, sem hafi fundið mjúk-
an koss hennar á enni sér. Þessi nunna hafi einnig eftir
dauða sinn birzt í Dóminikana-nunnuklaustri einu svo
greinilega, að systurnar héldu hana vera eina af hinu lif-
andi fólki. Þar faðmaði hún að sér og talaði við nunnuna
Osanna Andreasi, sem var mikill dulsinni og merkiskona
mikil, svo að hún undraðist stórlega hinn óvænta gest.
Slíkar sögur, sem vitanlega eru mjög misjafnar að áreið-
anleikagildi, mætti segja í þúsundatali, en hitt er yfir
allan efa hafið, að þessi fyrirbrigði, sem ævinlega hafa
verið að gerast, urðu óteljandi mönnum sterkustu rökin
íyrir öðru lífi. Og það er ekki auðvelt að verjast þeirri
ályktun, að á öllum öldum hafi vottar frá annarri veröld,
borgarar himnaríkis, verið á ferðinni til þess að bera jarð-
neskum mönnum vitnisburð um, að það væri byggð á bak
við helj arstrauma.
1 vestrænum heimi hafa menn gefið þessum vitnisburð-
um mikinn gaum, og það er vitanlega vegna þess, að boð-
skapur kristindómsins, trúarbragða hins vestræna kyn-
stofns, er byggður á því, að lausnari mannanna sjálfur
hafi vitjað jarðarinnar, sýnilegur, heyranlegur og áþreif-
anlegur, og þann veg sannað þeim, sem ekki gátu trúað,
að hann lifði, þótt látinn væri.
Á öldinni, sem leið, vaknaði nýr áhugi fyrir þessum
fyrirbrigðum, og þá tóku vísindamenn í fyrsta sinn að