Fréttablaðið - 05.02.2011, Síða 62

34 5. febrúar 2011 LAUGARDAGUR
Snillingar með sleggjudóma
MYNDBROT ÚR DEGI | Miðvikudaginn 2. febrúar | Tekið á Canon EOS 3D
Hannes Friðbjarnarson, trommari og söngvari, sem einnig starfar hjá umboðsskrifstofunni Prime ásamt mörgu fleiru, átti
góðan miðvikudag þar sem hann ræddi heimsmálin við flesta sem urðu á vegi hans. Hann smellti af nokkrum myndum í leiðinni.
1Dagurinn byrjar yfirleitt á því að félagi minn Máni úr Garðabænum kemur og er með pólitískt þvað-
ur og sleggjudóma, en það er gaman að segja frá því að
Máni er eini Garðbæingurinn sem er ekki hægrimaður.
Við Máni erum að vinna að nokkrum viðburðum saman,
þar á meðal útgáfutónleikum Agent Fresco sem verða 17.
febrúar.
2 KK kom líka í heimsókn
með bakkelsi og
neftóbak, en við
erum einmitt
að skipuleggja
tónleika saman
í Tjarnarbíói
12. febrúar, þar
sem hann ætlar
að vera einn
með gítarinn
sinn. Við rædd-
um um sjóinn og
glassúr.
3 Fór á æfingu með fallegum mönnum og þar á meðal var
snillingurinn Stefán Már Magnús-
son, en við höfum eldað grátt og
grænt silfur í mörg ár. Þarna er
hann að segja að ég geti sjálfum
mér um kennt!
4 Stefán Örn Gunnlaugsson fóst-bróðir minn er meistarinn í
svokölluðu Skapalóni þar sem oft
er æft og hann var mjög ánægð-
ur með mig þennan dag! Sem
var ánægjulegt, því ég er alltaf
ánægður með hann. Takk Kiddi
fyrir lánið á baukum.
5 Þarna er ég með félögum mínum, þeim Hálfdáni og Júlíusi, en við erum saman í smá félagi sem hefur það
markmið að vera alltaf í eins skóm, engin samráð, held-
ur eingöngu sama hegðun. Við erum mjög stoltir af þessu
félagi og mjög gott fyrir menn sem vinna saman að vera
samstíga.
6 Kláraði daginn með á því að fara á fótboltaæfingu með
Baldvin, sem er að æfa með 7.
flokki HK og er ansi efnilegur.
Hann var ekki hrifinn af mynda-
tökunni en lét sig hafa það. Eftir
daginn fórum við heim og snædd-
um kjötbollur og tókum ungling-
inn í æfingaakstur, ekki fékkst
leyfi til þess að mynda hana né
aðra á heimilinu. Fékk svo skip-
stjórann af Herjólfi í kaffi og lét
hann heyra það. Sem sagt mjög
góður dagur!