19. júní - 19.06.1985, Blaðsíða 34

Konur og ofneysla áfengis
eða átyllu til að drekka út á, hvort sem
það er karl eða kona. Ogsektarkenndin
er jafnmikil hjá báðum kynjum, en
reyndar beinist hún að öðrum þáttum
hjá konunni. Það er núeinusinni svoað
ímynd hinnar góðu konu er þrátt fyrir
allt góð móðir og ofdrykkja bitnar mjög
fljótt á börnum og heimilinu. Karlmenn
einblína hins vegar meira á ímynd sína
og frammistöðu utan heimilisins."
Konur hafa meiri aðlögunar-
hæfni
- Virðast konur eiga erfiðara með að
standa af sér ýmis áföll sem þœr verða
fyrri í lífinu og þá jafnvel frekar hneigj-
ast til drykkju við slíkar aðstœður?
„Nei, það get égekki séð. Ef eitthvað
er þá virðast konur vera sterkari þegar
miklar breytingar verða á lífi þeirra,
eins og t.d. við hjónaskilnað. Þá situr
karlmaðurinn eftir eins og froskur á
þurru landi, gersamlega búinn að tapa
fótunum í tilverunni. Konunni virðist
hins vegar eðlilegra að aðlaga sig
breyttum aðstæðum og skapa sér nýtt
umhverfi. Hins vegar verða allir þeir
sem ánetjast vímugjöfum ósjálfstæðir,
hvort sem það eru karlar eða konur.“
Minni ánetjunartilhneiging
hjá konum
- Leita konur síður í meðferð en
karlar?
„Nei, en þær koma oft af ólíkum
ástæðum. Það sem rekur konur fyrst og
fremst í meðferð eru félagslegar
aðstæður. Séu þær slæmar, kemur
konan snemma inn til meðferðar. Ef
félagslegar aðstæður eru hins vegar
góðar, þ.e. konan hefurgóða menntun,
er í hárri stöðu og hefur góðar tekjur,
kemur hún yfirleitt ekki inn fyrr en
neyslan er farin að stofna þessu öryggi
hennar í verulega hættu. Heimavinn-
andi konur koma oft ekki fyrr en heim-
ilislífið er komið í rúst og utanaðkom-
andi aðilar svo sem barnaverndar-
nefnd, farnir að hafa afskipti af börnun-
um. Hins vegar virðist skiptingin
nokkuð jöfn milli heimavinnandi og
útivinnandi kvenna.
Það að konur skuli aðeins vera um
22% þeirra sem koma til meðferðar er
eingöngu vegna þess að færri konur en
karlar virðast þróa með sér þennan
sjúkdóm. Þar er mikilvægur þáttur sá
að líkamleg ánetjunarhætta virðist
minni hjá konum. Á því eru engar ein-
hlítar skýringar. Það er vitað að til-
hneiging til alkóhólisma er arfgeng að
einhverju marki en svo virðist sem arf-
gengnin sé að verulegu leyti bundin
milli kynja. Þ.e. milli föður og sonar og
svo móður og dóttur."
Við viljum vekja athygli leigjertda og leigusala á því,
að Félagsmálaráðuneytið gefur út eyðubiað fyrir leigusamninga
um íbúðarhúsnæði. ÍSotkun þess tryggir réttindi beggja aðila.
HÚSEIGENDASAMBAND Leigjendasamtökin
ISIANDS
Hið löggilta eyðublað fyrir leigusamninga um íbúðarhúsnæði fæst
án endurgjalds hjá bæjar- og sveitarstjómum og á skrifstofum okkar.
Onnur samningseyðublöð eru ekki gild
^Húsnæðisstofnun ríkisins