19. júní - 19.06.1985, Blaðsíða 80

Aðalfundur Kvenréttindafélags
íslands var haldinn að Hallveigar-
stöðum, mánudaginn 18. mars
1985. Formaður félagsins, Esther Guð-
mundsdóttir var einróma endurkosin for-
maður til næstu tveggja ára.
Á fundinum var samþykkt ný reglugerð
fyrir 19. júní breyting á stefnuskrá KRFÍ og
samþykktar lagabreytingar, en 16. lands-
fundur KRFÍ hafði áður samþykkt þessar
breytingar.
Að loknum venjulegum aðalfundar-
störfum áréttaði fundurinn samþykkt 16.
landsfundar um að gera Auði Auðuns, fyrr-
verandi dómsmálaráðherra að heiðursfélaga
KRFÍ, en hún á að baki langt starf í þágu
félagsins.
Þá skoraði fundurinn á hæstvirt Alþingi að
samþykkja þingsályktunartillögu um full-
gildingu sáttmála Sameinuðu þjóðanna um
afnám hverskonar misréttis gegn konum.
Sáttmálinn var undirritaður fyrir íslands
hönd árið 1980, en hefur enn ekki verið full-
giltur.
Eftirtaldar konur skipa nú stjórn KRFÍ:
Esther Guðmundsdóttir, formaður, Arndís
Steinþórsdóttir varaformaður, Áslaug
Brynjólfsdóttir, Ásthildur Ketilsdóttir,
Dóra Guðmundsdóttir, Erna Bryndís Hall-
dórsdóttir, Helga Sigurjónsdóttir, Jónína
M. Guðnadóttir, Kristín Jónsdóttir, Ragn-
hildur Guðmundsdóttir og Valgerður Sig-
urðardóttir.
Skýrsla stjórnar KRFÍ1984-1985
Stjórn og varastjórn FRFÍ hefur komið
saman a.m. k. einu sinni í mánuði sl. starfsár
en framkvæmdastjórn sem í eiga sæti for-
maður, varaíormaður, ritari og gjaldkeri hafa
komið saman reglulega þess á milli. Samtals
hafa verið haldnir 23 stjórnarfundir. Félags-
menn eru nú 475 og aðildarfélög 41.
Skrifstofa félagsins hefur verið opin
mánudaga til fimmtudaga frá kl. 13.00-
17.00. Framkvæmdastjóri félagsins er Ragn-
heiður Eggertsdóttir. Um félagsstarfið
almennt má segja að lang mestur tími hefur
farið í undirbúning landsfundar, sem halda
átti um miðjan október sl. Vegna verkfalls
opinberra starfsmanna var honum frestað
um mánuð en ekki tók betra við, því víða
hafði fundum og ráðstefnum verið frestað
vegna ástands í þjóðfélaginu. Bar svo við að
þá daga í nóvember sem stjórn KRFl hafði
ákveðið landsfund höfðu tveir stjórnmála-
flokkar stóra fundi. Var því ákveðið að
fresta landsfundi til 15. og 16. mars 1985. 16.
landsfundur KRFÍ var haldinn í menningar-
miðstöðinni Gerðubergi, Reykjavík. Sjá
frásögn annars staðar í blaðinu. Fyrri hluta
vetrar var lítið um almennt félagsstarf. Á
árinu veitti þjóðhátíðarsjóður 100 þús. kr.
styrk til ritunar sögu KRFÍ sem Sigríður Er-
lendsdóttir annast.
Félagsfundir ogfleira
Hádegisfundur var haldinn í Lækjar-
brekku 17. maí 1984. Þar var fjallað um lok
kvennaáratugs Sameinuðu þjóðanna og
fyrirhugaða ráðstefnu í Nairobi í Kenýa í
júlí 1985. Vilborg Harðardóttir kom á fund-
inn og sagði frá undirbúningi hér á landi
vegna ráðstefnunnar og hugmyndum að að-
gerðum kvenna á íslandi á árinu 1985. Fund-
inn sóttu um 30 manns.
Fræðslu- og umræðufundur um tekju- og
eignaskatt hjóna var haldinn 22. nóvember
sl. að Hótel Esju. Frummælendurvoru Dögg
Pálsdóttir, lögfræðingur, Erna Bryndís Hall-
dórsdóttir, endurskoðandi og Sólveig Ólafs-
dóttir, lögfræðingur. Að loknum framsögu-
erindum voru líflegar umræður. Fundinn
sóttu um 40 manns.
Brugðið var út af vana og haldinn
skemmtifundur að Hallveigarstöðum 10.
desember sl. Boðið var upp á jólaglögg og
piparkökur. Jónína Leósdóttir las upp úr
bókinni „Öskubuskuáráttan", sem nýkomin
var út í hennar þýðingu og Elín Pálsdóttir
Flygenring las Ijóð eftir móður sína Þóru
Jónsdóttur. Jólafundinn sóttu um 25 manns.
Annar hádegisfundur félagsins var hald-
inn í Litlu-Brekku 14. febrúar sl. Kristín
Waage, félagsfræðingur kom á fundinn og
sagði frá ráðstefnu sem hún sótti fyrir KRFÍ
í Kaupmannahöfn í október sl. um mis-
notkun lyfja, eitulyfja og áfengis meðal
kvenna. Það var Dansk kvindesamfund sem
hélt ráðstefnuna. Margt athyglisvert kom
fram á hádegisfundinum, en því miður sóttu
hann aðeins 15 manns.
Afmœlisvakan
Afmælisvaka KRFÍ var haldin með hefð-
bundnu sniði að Kjarvalsstöðum á afmælis-
degi KRFI 27. janúar 1985. Fram komu:
Björg Einarsdóttir, Þóranna Pálsdóttir,
Fríða Á. Sigurðardóttir Dagný Helgadóttir,
Valgerður Matthíasdóttir, Þóra Jónsdóttir,
Eva Hallbeck, Lilja ívarsdóttir, Þóra Kristín
Guðjohnsen, Þórunn Magnúsdóttir og
Hinrik Bjarnason. Oddrún Kristjánsdóttir
og Júlíana S. Gunnarsdóttir sáu um undir-
búning vökunnar, sem tókst í alla staði mjög
vel.
Starfsei
Námskeið
Námskeið í gerð skattframtala var
haldið 28. janúar sl. Var það nýlunda í
starfi félagsins. Leiðbeinandi var Erna
Bryndís Halldórsdóttir, endurskoðandi.
Tvö námskeið í tímastjórnun voru
haldin á vegum KRFÍ í febrúar. Upphaf-
lega átti aðeins að vera eitt námskeið en
vegna mikillar eftirspurnar varð að halda
annað. Á þessum námskeiðum kynnti
Sigríður Snævarr, sendiráðunautur
ýmsar aðferðir til þess að skipuleggja
vinnu og stjórna tíma. M.a. kynnti hún
bækurnar „Getting Organized" og „The
Effective Executive" eftir Stephanie
Winston. Kenning Stephanie Winston er
sú, að óreiða sé ein leið skipulagningar,
en sú leið sem mestan tíma tekur og
mestum óþægindum veldur. Bendir hún
á ýmsar sáraeinfaldar og ódýrar leiðir til
að sinna hinum hversdagslegustu verk-
efnum, hinni s.k. rútínu á heimili og
vinnustað.
Fyrirhugað var að halda námskeið í
ræðumennsku og fundarsköpum í janúar
og febrúar, en þátttaka var það lítil að
fella varð námskeiðið niður.
Hópstarf
Tveir starfshópar hafa starfað veturinn
1984-1985.
Tölvuhópur, sem Oddrún Kristjánsdóttir
stýrði, hefurstarfað frá því vorið 1984. Hóp-
urinn átti að undirbúa málflutning á lands-
fundi um tölvuvæðingu og áhrif hennar á
störf kvcnna og karla. Þegar hópurinn tók til
starfa kom í ljós að litlar sem engar upplýs-
ingar voru fyrir hendi. Var því áhugi fyrir
því að leggja út í athugun og safna m.a. upp-
lýsingum um tölvuvæðingu nokkurra fyrir-
tækja og stofnana og verkaskiptingu kynj-
anna þar. Ennfremur að fá upplýsingar um
hlut stúlkna og pilta í námi og á námskeiðum
er tengjast tölvum. Þar sem athugun sem
þessi var talin ofviða fjárhag félagsins, var
leitað á náðir fjármálaráðherra, Alberts
Guðmundssonar, sem veitti félaginu góðfús-
lega 100 þúsund króna styrk. Ragnheiður
Harðardóttir, fil kand. Sigrún Jónsdóttir,
þjóðfélagsfræðinemi og Sveinbjörg Svavars-
dóttir, þjóðfélagsfræðingur voru fengnar til
að annast athugunina. Niðurstöður voru
gefnar út.
Skattahópur undir forystu Arndísar Stein-
þórsdóttur tók til starfa í byrjun janúar 1985.
I vetur hefur töluvert borið á umræðu um
tekju- og eignaskatt hjóna og háværar raddir
verið um aukna samsköttun hjóna. Þessi
umræða var m.a. í sölum Alþingis og þar
samþykkt breyting á lögum um tekju- og
eignaskatt, sem KRFI telur vera stórt skref
80