19. júní - 19.06.1992, Page 25

er réttur þeirra sem búa í óvígðri sam-
búð og hvaða rétt hafa þeir ekki? Eins er
í undirbúningi fræðslunámskeið um
skattamál og fjármál hjóna, sem konur
eru þvf miður oft Iftið meðvitaðar um,
svo og lífeyrismál.
Kvenréttindafélagið er aðili að frani-
kvæmdanefnd um launamál kvenna, en
launamisrétti er eitt erfiðasta baráttu-
málið f dag. í því sambandi hefur kann-
ski ekki nægilega verið fjallað um það
hvernig konur standa að samningamál-
um og hvaða aðferðir duga þeim best.
Hvers vegna fara þær svona halloka?
Hvaða viðhorf eru ríkjandi hjá konum
þegar þær ráða sig í vinnu, hvað láta
þær bjóða sér? Konur virðast fremur líta
svo á að þær þiggi laun heldur en að
þær séu að selja vinnu sína. Það verður
að gjörbreyta viðhorfum og ég vona að
félag eins og KRFÍ geti átt hlut að því þó
ekki væri nema með því að spyrja þess-
ara spurninga.
Útgáfumál Kvenréttindafélagsins eru
til endurskoðunar. Til að ná til félags-
manna þarf útgáfan að vera virk. Blaðið
okkar, 19. júnf, er ársrit og því er erfitt
að fylgja umræðunni í félaginu eftir
með því. Tillögur í útgáfumálum verða
lagðar fyrir landsfund í haust.
Kvenréttindafélagið á að hvetja konur
til starfa í stjórnmálum og eitt af því sem
við þurfum að huga að á næstu misser-
um er að fá fram umræður um ástæður
fyrir því að konur virðast vera að draga
sig í hlé af vettvangi stjórnmálanna.
Nú segja margir að styrkur KRFÍ
felist í því að félagið er þver-
pólitískt, en getur það ekki jafn-
framt verið veikleiki?
Styrkur félagsins er að þar eru konur að
vinna að sameiginlegum málum þrátt
fyrir mismundandi stjórnmálaskoðanir.
Styrkur KRFÍ felst í því að það kallar til
starfa konur alls staðar að, bæði konur
með mótaðar stjórnmálaskoðanir og
svo hinar sem vilja ekki vera að skipta
sér af stjórnmálum en kjósa að einbeita
sér að kvennabaráttu. Auðvitað leiðir
þetta til þess að til að komast að sam-
eiginlegri niðurstöðu þarf að leggja til
hliðar ágreiningsmál þar sem pólitíkin
kemur af einhverju afli inn. En þá hafa
þessar sömu konur auðvitað annan vett-
vang þar sem þær kjósa að beita sér á
sínum pólitísku forsendum og það eiga
þær að gera. í KRFÍ er verið að vinna að
ákveðnum málum, jafnrétti karla og
kvenna á öllum sviðum. Og þó að við-
horfsbreytingin virðist stundum ganga
hægt þá er það lokaárangurinn sem
skiptir máli. Og með því að starfa þver-
pólitískt saman náum við meiri árangri.
Sofa konur þyrnirósarsvefni eða
eru þær í dauðadái?
Það er ef til vill ákveðin tilhneiging hjá
konum að falla í þyrnirósarsvefn og
bíða eftir því að þær verði vaktar. Ég
held að það sé kannski alvarlegra að
þær átta sig ekki á vandamálunum, eða
stöðu sinni, fyrr en þær eru komnar í
strand. En þær eru almennt rólegar yfir
kjörum sínum enda er rík tilhneiging til
að halda friðinn. Einstaklingar eru ólíkir
og þeir hafa mismunandi þarfir. Jafnrétt-
isbaráttan á að taka mið af því — en
ekki að steypa alla í sama mót. Jafnrétt-
isbaráttan byggist á því að konur og
karlar njóti sömu réttinda og hafi sömu
möguleika. Og meðan að svo er ekki
hefur Kvenréttindafélagið mikilvægu
hlutverki að gegna.
EIMSKIP
VIÐ GREIÐUM PÉR LEIÐ
25