19. júní - 19.06.1992, Side 28

íþróttir og konur:
eftir Ellen Ingvadóttur
Á undanförnum áratugum hefur sá
fjöldi kvenna sem haslar sér völl í
íþróttum aukist jafnt og þétt og er konur
að finna í nánast öllum þeim íþrótta-
greinum sem stundaðar eru hér á landi.
Því hefur verið haldið fram að konum
sé ekki gert jafnhátt undir höfði í
íþróttahreyfingunni og karlmönnum og
samkvæmt könnun, sem Fjölmiðla-
nefnd ISI gerði fyrir nokkrum misserum,
er langur vegur frá því að jafnvægi ríki
hjá fjölmiðlum um frásagnir af íþrótta-
afrekum karla og kvenna. Hallar mjög á
konurnar í því sambandi. Innan vé-
banda íþróttasambands íslands (ÍSÍ)
starfar nú hópur kvenna að undirbún-
ingi sérstaks átaks til að kynna stöðu
kvenna í hreyfingunni, ekki aðeins sem
íþróttamenn heldur einnig sem þátttak-
endur í stjórnunarstörfum o.fl. Þessi
hópur og Kvenréttindafélag Islands hafa
tekið höndum saman um kynningu á
átakinu.
Þann 2. desember 1990 ákvað fram-
kvæmdastjórn ÍSÍ, undir forystu þáver-
andi forseta hreyfingarinnar, Sveins
heitins Björnssonar, að skipa sérstaka
nefnd til að vinna að umbótum í
kvennaíþróttum með
það að markmiði að
auka þátttöku kvenna í
íþróttum og íþróttastarfi
almennt. I skipunarbréfi
nefndarinnar eru eftir-
talin atriði tíunduð:
Verkefni nefndarinnar
er að aðstoða félög og
deildir innan þeirra við
að efla íþróttir kvenna,
m.a. með því að fá fólk
til starfa í félögunum.
Jafnframt á nefndin að
kynna í skólum mögu-
leika stúlkna á að stunda
íþróttir í hverfum þar
sem þær búa, að vinna
með sérsamböndum ÍSÍ
að afreksíþróttum
kvenna; vinna að auk-
inni menntun þjálfara í
kvennaíþróttum og
stuðla að þvi að fleiri
konur taki að sér
íþróttaþjálfun. Ennfremur skal stuðlað
að aukinni þátttöku kvenna í stjórnun
innan íþróttahreyfingarinnar og síðast
en ekki síst er nefndinni falið að undir-
búa og móta verksvið sérstaks erindreka
kvenna í samráði við framkvæmda-
stjórn ÍSÍ.
í nefndina voru skipuð þau Lovísa
Einarsdóttir, Vanda Sigu rgei rsdótti r,
Svanfríður M. Guðjónsdóttir, Hreggvið-
ur Þorsteinsson og Unnur Stefánsdóttir,
sem er formaður. Nefndin hóf þegar
störf og í byrjun maf á sl. ári var haldin
ráðstefna í Garðabæ um konur og
íþróttir og voru ræðumenn af öllum
sviðum er tengja má beint við íþróttirn-
ar. Ráðstefnan var öllum opin og sótti
hátt á annað hundrað manns hana og
tók virkan þátt í umræðum. Önnur ráð-
stefna var síðan haldin í september sl.
um „Stöðu kvenna með tilliti til þjálfun-
ar og keppni í íþróttum". Ráðstefnan var
sérstaklega haldin fyrir þjálfara, leið-
beinendur og áhugafólk um íþróttir
kvenna. Það fór á sömu leið og með
fyrri ráðstefnuna að þátttaka var mjög
góð og vakti vonir aðstandenda hennar
um að bjartari framtíð væri framundan
fyrir konur í íþróttum. Einnig var haldið
þriggja daga námskeið að Laugarvatni í
lok septembermánaðar í fyrra um
stjórnunarmál í íþróttahreyfingunni og
var fenginn sænskur leiðbeinandi, Ann
Johanson, sem er mjög virk í sænsku
íþróttahreyfingunni. Þetta námskeið var
haldið með það fyrir augum að konurn-
ar sem það sóttu haldi síðan svipuð
námskeið undir kjörorðunum „Þori, get
og vil". Tilgangurinn er að virkja sem
flestar konur, hvort sem þær eru íþrótta-
menn eða ekki, til að gefa kost á sér f
stjórnunarstörf innan sér- og héraðs-
sambandanna en ekki síst í stjómunar-
störf innan ÍSÍ, þar sem konur hafa átt
erfitt uppdráttar.
íþróttavika kvenna
I þessum mánuði, dagana 16. til 22.
júní, gengst ÍSÍ, að tillögu fyrrgreindrar
nefndar, fyrir íþróttaviku kvenna í
tengslum við kvennadaginn, 19. júní.
Haldin verða ýmis íþróttamót, t.d.
meistaramót kvenna í knattspyrnu og
landsleikur á milli íslendinga og Skota í
knattspyrnu. Sérstakt kvennahlaup verð-
ur 20. júní og hafa fjöl-
margur konur á öllum
aldri skráð sig í það.
Svona kvennahlaup var
fyrst árið 1990 í tilefni af
Íþróttahátíð ÍSÍ og var þá
aðeins á einum stað á
landinu. í fyrra var sú
ákvörðun tekin, vegna
mikillar þátttöku árið
áður, að færa út kvíamar
og hafa kvennahlaup
víðar á landinu. Þátttaka
var mjög mikil og hlupu
nálægt 4000 konur á
fjórtán stöðum! Þess er
vænst að þátttakan í ár
verði ekki minni, reynd-
ar segja fulltrúar nefnd-
arinnar að skráningar
gefi til kynna að þátttak-
endametið frá því í fyrra
verði slegið í ár. Hægt er
að velja á milli mismun-
andi vegalengda, allt eft-
Langur vegur er frá því að jafnvægi ríki hjá fjölmiðlum um frásagnir af
íþróttaafrekum karla og kvenna.
28