19. júní - 19.06.1997, Qupperneq 52

/
Páll Pétursson, félagsmálaráðherra:
Nei, það er ekki fullkomið jafnrétti hér að mínu mati. í 45. grein stjórnarskrárinnar
er kveðið mjög skýrt á um að svo skuli vera og reyndar er jafnrétti tryggt í lögum
betur en víðast annars staðar í heiminum. Við vorum tekin út í rannsókn
sérfræðinganefndar Sameinuðu þjóðanna um mismunun gegn konum fyrir tveimur
árum síðan. Þar stendur tvennt upp úr af þeim aðfinnslum sem um var að ræða,
annars vegar kynbundinn launamunur, hins vegar réttleysi sveitakvenna.
Jafnréttisráð hefur tekið á málum sveitakvenna og nú í vor voru samþykkt á Alþingi
lög um Tryggingasjóð sjálfstætt starfandi til handa þessum konum. Varðandi
kynbundin launamun er komið af stað samstarfsverkefni; kynhlutlaust starfsmat.
Ég vona að á niðurstöðu þessa verkefnis megi byggja áframhaldandi aðgerðir.
Ráðuneytið er að vinna að nýrri jafnréttisáætlun og til að undirbúa hana hef ég
efnt til fundarherferðar um landið. Hugmyndin er að víkka það mót sem að vinnur
að jafnréttismálum og leita hvar víðast fanga.
Ég held að tíminn vinni með okkur, ef maður lítur á hverjir eru í háskólanámi, eru
konur í meirihluta og þvi tel ég að þær rétti mjög hratt hlut sinn í t.d. stjórnunarstöðum, í krafti meiri menntunar.
En það er ekki bara hallað á konur, það hefur komið mjög skýrt fram að líka er hallað á karla, t.d. í tengslum við
börnin. í tengslum við skilnað eða sambúðarslit missa karlar í flestum tilfellum meira en konur. í langflestum
tilfellum er það móðirin sem fær forræðið, sem mér finnst nú persónulega nokkuð harðleikið og ég held að við
ættum að reyna að vinna að sameiginlegu forræði. Umræðan um kynferðisleg misnotkun er einnig farin að taka
á karlmenn á íslandi í dag. Umræðan hefur skapað miklar hömlur og það er t.d. orðið erfitt fyrir karlkennara að
sýna nemanda sínum venjuleg hlýindi í umgengni. Þetta er mjög alvarlegur hlutur Eins hefur komið fram að
karlar telja að þeir standi verr en konur gagnvart embættaveitingum, þ.e.a.s. að til þess að ráða karlumsækjanda
þá þarf hann að vera ekki bara jafnsettur heldur að hafa eitthvað miklu meira til að bera. Þetta eru allt mál sem
þarf að athuga gaumgæfilega.
Rannveig Rist, forstjóri:
Ef miðað er við hvað gerist viða um heim, er ekki sanngjarnt að segja annað en að
jafnrétti ríki á íslandi. Hins vegar hefur mér ekki þótt okkur takast vel upp við að
nýta það.
Ég held að konurnar sjálfar ættu að taka sig á í þesum efnum og sækja fastar inn
á fleiri svið. Ala þarf börn upp við jafnrétti, þá verður það þeim eðlilegt þegar þau
eru orðin fullorðið fólk. Það er of seint að kynna jafnrétti fyrir unglingunum hafi
þau ekki þekkt það áður.

j