Sólskin - 01.07.1932, Side 57

oo
úr sjó, eða aö mararbotninn hefir lyft sjer úr sæ.
Ef til vill hafa bæði þessi öfl, eldgosin og breyt-
ingar í jarðskorpunni, verið að verki við að mynda
brúna. Þegar fram liðu stundir, seig' mikill hluti
þessarar brúar í sæ, en nokkuð af henni varð þó
-eftir, nefnilega eyjarnar fyrir norðan Skotland.
Orkneyjar og Hjaltland, Færeyjar og Island.
ísland er þannig leyfar af heljarmikilli landbrú,
sem einu sinni tengdi saman Evrópu og Ameríku.
Þeir kraftar, sem mynduðu. þessa landbrú, og brutu
hana niður aftur, starfa enn í dag á íslandi; enn-
þá berjast þeir um völd yfir landinu, eldurinn
byggir það upp, en vatnið og loftið leitast við, að
jafna það við jörðu.
2. »Eldurinn« (starf eldfjaUanna).
I hvert skifti, þegar »öskrar djúpt í rótum lands,«
er eldguðinn að reyna að brjóta af sér böndin og
lyfta þunga jarðlaganna af herðum sjer. Að vísu
hafa eldgos lengstum verið óvinir þjóðar vorrar, en
þegar öllu. er á botninn hvolft, eru þau ef til vill
tryggasti vinur landsins Fjallkonan, sem gnæfir eins
og drotning úr Atlantshafi, er eins og kappi, sem
berst í einvígi, og óvinirnir sækja að úr öllum átt-
um. Þessir óvinir eru fyrst og fremst bylgjur hafs-
ins. I orustunni við Ægi, á landið einn tryggan vin,
en hann er eldurinn. Við eldgosin bætist lag á lag
ofan, eins og við getum víða sjeð í fjöllum. Þar kem-
ur greinilega fram beltaskifting, en hvert »belti« hef-
i'r einu sinni verið hraun á yfirborði jarðar, og hin