Fréttablaðið - 16.12.2010, Síða 6

6 16. desember 2010 FIMMTUDAGUR
Virðing
Réttlæti
VR | KRINGLUNNI 7 | 103 REYKJAVÍK
S. 510 1700 | F. 510 1717 | WWW.VR.IS
Minnum á
desember-
uppbótina
Desemberuppbót á að greiða
ekki seinna en 15. desember.
Fallegar
gjafaumbúðir
Hentar öllum
Gildir hvar sem er
Ármúla 13a | Borgartúni 26 | 540 3200 | www.mp.is
Gjafakortið sem
gildir alls staðar
Þú velur upphæðina en viðtakandinn velur gjöfina.
EFNAHAGSMÁL Hraða á úrvinnslu
skuldamála lítilla og meðalstórra
fyrirtækja samkvæmt samkomu-
lagi viðskipta- og efnahagsráðu-
neytsins, fjármálafyrirtækja og
ýmissa samtaka og félaga atvinnu-
rekenda.
„Stefnt er að því að fyrir 1. júní
hafi fjármálafyrirtækin lokið skoð-
un á fjárhagsstöðu þessara fyrir-
tækja og gert lífvænlegum fyrir-
tækjum sem eru í fjárhagsvanda
tilboð um úrvinnslu skulda þeirra,“
segir í tilkynningu frá aðilum sam-
komulagsins sem undirrituðu það í
gær.
Rætt er um fyrirtæki með skuld-
ir sem nema allt að einum millj-
arði króna. Miða á við að heildar-
skuldsetning fyrirtækis að lokinni
úrvinnslunni verði ekki yfir eigna-
og rekstrarvirði þess að viðbættu
virði annarra trygginga og ábyrgða
fyrir skuldum þess. Ríkið mun end-
urskoða opinber gjöld og skatta-
skuldir „með það fyrir augum að
fresta greiðslum eða fella niður
skuldir, sé það í hag allra hlutaðeig-
andi aðila,“ segir í gögnum samn-
ingsaðilanna.
„Við víkjum verulega til hliðar
hefðbundnum viðmiðunum í skatta-
legum efnum,“ sagði Steingrímur
J. Sigfússon fjármálaráðherra. „Í
raun og veru er búin hér til heimild
til að fella niður allt sem er undir
fimm hundruð milljónum þegar
töp hafa verið fullnýtt og fyrning-
ar og afskriftarreglur nýttar í botn.
Fyrirtækin leggja þá af stað án
nokkura skattaskulda út í lífið.“
Árni Páll Árnason, viðskipta- og
efnahagsráðherra, sagði fyrirtæki
nú fá svigrúm til annars en ein-
göngu þess að halda sjó. „Þau geta
farið að byggja upp starfsemi sína
og bæta við fólki frekar en að láta
fólk fara. Ég tel því að þetta sé mjög
mikilvæg aðgerð til að vinna bug á
því atvinnuleysi sem þegar er orðið
og skapa forsendur fyrir hagvexti
á næsta ári og aukinni fjárfestingu
strax á fyrra hluta næsta árs,“ sagði
Árni Páll.
Úlfar Steindórsson, formaður
Viðskiptaráðs, sagði áætlunina geta
leyst fyrirtæki og einstaklinga úr
skuldafangelsi. „Við trúum því að
þetta sé ein fljótvirkasta efnahags-
aðgerðin sem hægt er að fara í á
þessari stundu,“ sagði Úlfar.
Birna Einarsdóttir, bankastjóri
Íslandsbanka og formaður Samtaka
fjármálafyrirtækja, kvaðst sérstak-
lega ánægð með víðtæka samstöðu
um samkomulagið. Frá hruni hefðu
fjármálafyrirtækin fyrst og fremst
boðið skammtímalausnir. „Það er
mikilvægt að komast þangað að við
séum að skoða langtímalausnir,“
sagði Birna.
„Þetta er stórkostlegt tækifæri
til að koma lífvænlegum fyrir-
tækjum á beinu brautina,“ sagði
Vilmundur Jósefsson, formaður
Samtaka atvinnulífsins. „Við erum
mjög ánægðir og vonumst til að sjá
fleiri slíkar áhrifaríkar aðgerðir
til að koma hjólum atvinnulífsins
af stað.“ gar@frettabladid.is
Bjarga fyrirtækjum
sem eiga sér lífs von
Fulltrúar ríkisstjórnarinnar, fjármálafyrirtækja og atvinnulífsins undirrituðu
í gær samkomulag sem greiða á úr skuldavanda lífvænlegra lítilla og meðal-
stórra fyrirtækja. Skattaeftirgjöf og skuldaniðurfelling eru meðal ráðstafana.
SAMKOMULAG UNDIRRITAÐ Úlfar Steindórsson, formaður Viðskiptaráðs, Steingrímur
J. Sigfússon fjármálaráðherra, Birna Einarsdóttir, formaður Samtaka fjármálafyrir-
tækja, Árni Páll Árnason viðskiptaráðherra, Vilhelm Jósefsson, formaður Samtaka
atvinnulífsins, og Margrét Guðmundsdóttir, formaður Félags atvinnurekenda, skrif-
uðu undir samkomulag í gær. FRÉTTABLAÐIÐ/VILHELM
Aðgerðir gegn
skuldavanda
■ Fyrirtæki með skuldir allt að
1.000 milljónum geta fengið skuldir
lækkaðar niður að virði fyrirtækis-
ins.
■ Fyrirtæki geta fengið biðlán á
lágum vöxtum án greiðslna í þrjú ár.
■ Ljúka á tillögum um fjárhagslega
endurskipulagningu fyrir 1. júní á
næsta ári.
■ Ríkið og opinberir aðilar endur-
skoða gjöld og skattaskuldir.
■ Viðskiptaskuldir verða ekki færðar
niður tengist þær daglegum rekstri
og viðskiptasamböndum.
■ Stjórnvöld beita sér fyrir þátttöku
opinberra lánastofnana.
Ert þú skráð(ur) í stjórnmála-
flokk?
Já 32,9%
Nei 67,1%
SPURNING DAGSINS Í DAG:
Á að seinka klukkunni á
Íslandi?
Segðu þína skoðun á Vísir.is.
STJÓRNSÝSLA Þorgerður Katrín
Gunnarsdóttir, fyrrverandi
menntamálaráðherra, sagði í sam-
tali við Bylgjuna í gær að úttekt
menntamálanefndar Alþingis og
Ríkisendurskoðunar á fjármálum
Hraðbrautar væri óheppileg.
„Eins og þetta blasir við núna,
eins og þetta er dregið fram núna,
þá er þetta ekkert sérstaklega
þægilegt mál,“ sagði Þorgerð-
ur Katrín, sem var menntamála-
ráðherra á árunum 2003 til 2009,
en Hraðbraut tók til starfa árið
2003.
Þorgerður benti þó á að ekkert
ólöglegt hefði átt sér stað þegar
stjórnendur og eigendur skólans
greiddu sér út arð með ofgreiðslum
frá ráðuneytinu.
37 prósent af rekstrarútgjöldum
Menntaskólans Hraðbrautar eru
greidd í laun starfsmanna. Kemur
þetta fram í skýrslu mennta-
málanefndar Alþingis um úttekt
Ríkisendurskoðunar á fjármálum
skólans. Hlutfall launakostnaðar
hjá Hraðbraut er helmingi lægra
en gengur og gerist í framhalds-
skólum á vegum ríkisins, þar sem
það er að jafnaði um 75 prósent.
Stjórnendur skólans eru harðlega
gagnrýndir fyrir meðferð á opin-
berum fjármunum sem fengist
hafa í gegnum þjónustusamninga
við menntamálaráðuneytið. Í kjöl-
farið hefur Ríkisendurskoðun nú
kallað eftir öllum gildandi samn-
ingum sem ráðuneytin tólf hafa
gert við hina ýmsu aðila, en þeir
eru 141 talsins.
Stjórnendur skólans og eigend-
ur Hraðbrautar ehf., fyrirtækisins
sem rekur Menntaskólann Hrað-
braut, greiddu sér út 177 milljón-
ir króna í arð á tímabilinu, þrátt
fyrir að skólinn hafi ekki verið
rekinn með hagnaði. - sv
Fyrrverandi menntamálaráðherra segir skýrslu menntamálanefndar um Hraðbrautar óþægilegt mál:
Hraðbraut gagnrýnd fyrir meðferð á opinberu fé
ÓLAFUR HAUKUR JOHNSON Skólastjóri
og eigandi Hraðbrautar er harðlega
gagnrýndur í skýrslu menntamála-
nefndar Alþingis um úttekt Ríkisendur-
skoðunar á fjármálum skólans.
FRÉTTABLAÐIÐ/VALLI
PARÍS, AP Frelsisher Kosovo myrti fjölda almennra
borgara sem teknir höfðu verið til fanga og seldi úr
þeim líffærin eftir að stríðinu í Kosovo lauk árið
1999. Þetta kemur fram í rannsóknarskýrslu sviss-
neska þingmannsins Dick Marty, sem er kunnur
fyrir rannsókn Evrópuráðsins á fangaflugi banda-
rísku leyniþjónustunnar CIA.
Glæpirnir voru samkvæmt skýrslunni framdir
í Fushi-Kruje í Norður-Albaníu, nálægt helsta
alþjóðaflugvelli landsins. Fórnarlömbin, bæði and-
stæðingar Frelsishers Kosovo og Serbar, voru skot-
in og skurðlæknar námu síðan úr þeim líffærin. Í
skýrslunni er Drenica-hópurinn svokallaði bendl-
aður við málið, en leiðtogi hans er Hashim Thaci,
núverandi forsætisráðherra Kosovo og fyrrverandi
foringi í Frelsishernum. Ríkisstjórn Kosovo kallar
skýrsluna rógburð en hún verður til umfjöllunar á
þingi Evrópuráðsins í janúar næstkomandi.
Á þriðjudag var tekið fyrir tengt dómsmál í
Pristina í Kosovo þar sem sjö manns eru sakaðir
um aðild að umsvifamiklum alþjóðlegum líffæra-
söluhring. Saksóknari sagði þá að sjúklingar frá
Kanada, Þýskalandi, Póllandi og Ísrael hefðu greitt
á bilinu 80-100 þúsund evrur hver fyrir líffæri úr
fátæklingum frá Austur-Evrópu og Mið-Asíu. - mt
Skýrsla tengir forsætisráðherra Kosovo við morð og líffærasölu:
Frelsisher Kosovo seldi líffæri
VIÐ DÓMSHÚSIÐ Skurðlæknirinn Lutfi Dervishi (t.h.) er talinn
vera höfuðpaur alþjóðlegs líffærasöluhrings. Hann kemur hér
út úr dómshúsi í Pristina á þriðjudag ásamt Arban syni sínum.
KJÖRKASSINN