Fréttablaðið - 16.12.2010, Side 18

18 16. desember 2010 FIMMTUDAGUR
FRÉTTAVIÐTAL: Paul Mulvaney, framkvæmdastjóri ESB ecars, á Írlandi
Írar eru langt komnir í rafbílavæð-
ingu. Paul Mulvaney, framkvæmda-
stjóri ESB ecars á Írlandi, segir að
til þurfi samstarf hins opinbera,
bílaframleiðenda og orkufyrir-
tækja. Framfarir í þróun rafhlaðna
ýta undir væntingar um stóraukna
notkun rafbíla.
Stórstígar framfarir á sviði hönnunar raf-
hlaðna ýta undir væntingar um að rafbíla-
notkun verði á endanum mjög útbreidd. Þá
auka framfarir á þessu sviði líkurnar á að
rafhlöður í bíla þoli betur kulda. Í október
var sett heimsmet í Þýskalandi þegar breytt-
um Audi-rafbíl var ekið 600 kílómetra á
einni hleðslu. Tilraunir með slíkar ofur-
rafhlöður standa þó enn yfir og þær ekki
fjöldaframleiddar.
Paul Mulvaney, framkvæmdastjóri ESB
ecars á Írlandi, segir að þar hafi menn, líkt
og hér rekið sig á að kuldar hamli notkun raf-
bíla. „En fjöldi bílaframleiðenda hefur nú
þegar náð langt í þróun betri rafhlaðna, auk
þess sem sumir bílar eru búnir forhitara og
þurfa því ekki að eyða orku í það þegar tekið
er af stað,“ segir hann.
Írar eru í hópi þeirra þjóða sem lengst
eru komnar í upptöku rafbíla. ESB er orku-
fyrirtæki sem annast bæði virkjanafram-
kvæmdir og dreifingu orku á Írlandi. ESB
ecars er svo dótturfyrirtæki stofnað utan
um uppbyggingu dreifikerfis fyrir raforku
í samgöngum.
Að sögn Mulvaneys er ýtt undir notkun
rafmagnsbíla á Írlandi með samstarfi bíla-
framleiðenda, stjórnvalda og orkufyrirtækja.
„Stjórnvöld búa þá til hvatann til skiptanna,
bílaframleiðendur fallast á að útvega bíla
hraðar en þeir annars hefðu gert og við sjáum
um uppbyggingu dreifikerfis orkunnar.“
Hann bætir um leið við að samkeppni sé í
framleiðslu og sölu orkunnar. „Hugmyndin
er að orkufyrirtækin geti boðið ökumönnum
ólíka kosti og gjöld.“
Mulvaney áréttar að markmið Íra sé að
draga úr útblæstri og því sé mikill ávinning-
ur í rafbílavæðingunni, en megnið af orku-
framleiðslu landsins sé vistvænt, með vatns-
afls-, vind- og sjávarfallavirkjunum.
„Við byggjum nú upp stoðkerfið sem þarf
að vera til áður en notkun rafbíla getur
orðið almenn,“ segir Mulvaney og bætir
við að ekki sé úr vegi að líkja ástandinu
við það þegar myndbandstæki komu fyrst
fram. Írar séu meðvitaðir um hættuna á
því að enda með „Betamax“ hleðslustöðv-
ar í stað „VHS“, en Mulvaney óttast það þó
ekki með þeim búnaði sem orðið hefur fyrir
valinu og aðferðafræði sem beitt er. Notuð
eru sjö pinna tengi sem eru nokkuð útbreidd,
meðal annars á Norðurlöndum og þess gætt
að setja sem skilyrði við kaup á búnaði að
hann gangi við staðlað samskiptakerfi sem
bæta megi við og ólíkir framleiðendur geti
notað. „Við kaupum bara hleðslustöðvar sem
geta tekið við og skilað gögnum á ákveðinn
hátt, en framleiðendur þeirra reyna vitan-
lega að selja með tækjunum sinn eigin hug-
búnað. Við hins vegar látum ekki láta ein-
skorða okkur við einhvern einn ákveðinn
hugbúnað og framleiðanda.“
olikr@frettabladid.is
PAUL MULVANEY Í kuldakasti í byrjun mánaðarins var, samkvæmt heimildum blaðsins, gerð óformleg
tilraun í Reykjavík með getu Mitsubishi iMiev rafmagnsbíls, sem er líkur þeim hér að ofan. Í ljós kom að í
tólf stiga gaddi dugði rafhlaða bílsins bara í tæplega 40 kílómetra akstur. MYND/ESB ECARS
Þríþætt átak þarf til rafbílavæðingar
„Þó svo að sérfræðingar séu sammála um
tækni og hvernig skynsamlegast sé að
byggja upp slíka rafbílavæðingu þá hefur
verið erfiðara að finna út hvernig á að
standa straum af kostnaði,“ segir á vef þró-
unarfélagsins Northern Lights Energy (NLE)
um rafbílavæðingu Íslands. „Óskastaða á
hverjum stað væri ef stjórnvöld kostuðu
slíka uppbyggingu eða eitthvert opinbert
fyrirtæki, en um það er ekki að ræða hér
á landi. Þess vegna eru farnar aðrar leiðir
til að láta þetta verða að veruleika hér
á landi.“ Lausnin er sögð felast í að leita
til fyrirtækja og stofnana um að standa
saman að uppbyggingunni. „Með því að fá
fjölmarga til að leggja sitt af mörkum þá
verður á fimm árum möguleiki til að byggja
upp slíkt heildarkerfi og á þeim tíma eru allir
helstu bílaframleiðendur að koma með sína
rafbíla á markað.“ Sýn NLE á nánustu framtíð
rafbílavæðingar hér á landi, hleðslustöðvar
og uppbyggingu dreifikerfis er að finna á
vefnum www.nle.is.
Einkaframtak um
rafbílavæðingu Íslands
Óli Kristján
Ármannsson
olikr@frettabladid.is
Fyrirtækjaþjónusta Pósthússins býður upp
á hagstæða heimsendingu á jólapökkum til
þinna viðskiptavina, hvort sem er á höfuð-
borgasvæðinu eða á Akureyri
• Sérhæfð heimsendingarþjónusta til
fyrirtækja og einstaklinga
• Dreifum hvort sem er að degi eða
kvöldi.
• Hátt þjónustustig sniðið að þínum
þörfum.
• Dreifum einnig frá Akureyri til
höfuðborgarsvæðis.
Allar nánari upplýsingar gefa sölufulltrúar
Pósthússins í síma 585 8300 eða 585 8330
Pósthúsið ehf
Suðurhraun 1, 210 Garðabær
s: 585 8300, www.posthusid.is
Við komum jólapakkanum til skila