Fréttablaðið - 16.12.2010, Síða 26

16. desember 2010 FIMMTUDAGUR26
Umsjón: nánar á visir.is
„Við erum rosalega montin af
okkar fólki,“ segir Unnur Magnús-
dóttir, eigandi Dale Carnegie á
Íslandi.
Fimmtán manna hópur frá
Dale Carnegie á Íslandi rakaði
til sín verðlaunum á ráðstefnu
fyrirtækisins í Miami í Banda-
ríkjunum á dögunum. Vörumerk-
ið hér fékk fyrstu verðlaun frá
móðurfélaginu ytra fyrir fram-
úrskarandi árangur á milli ára.
Þá tóku þær Anna Guðrún Steins-
en og Ragnheiður Aradóttir 1. og
2. sæti í flokknum besti þjálfari
í Evrópu, Afríku og Mið-Austur-
löndum.
Unnur var sjálf á meðal helstu
ræðumanna á ráðstefnunni
en þar fór hún yfir aðstæður
íslenskra fyrirtækja.
„Þetta hefur verið mjög erfitt.
Þegar allt fór á hliðina gaf Dale
Carnegie þau ráð að gefa í og auka
útgjöld til markaðsmála. Það gerð-
um við og eyddum hverri einustu
krónu sem við áttum í markaðs-
setningu. Við erum á því að það
hafi skilað sér,“ segir Unnur og
bætir við að samstarfsfólki hennar
úti finnist með ólíkindum hvern-
ig Íslandi hafi tekist til miðað við
önnur og mun stærri lönd.
„Þeir ná því ekki að þótt við
séum rétt rúmlega 300 þúsund
veltum við meiru en rúmlega
fjörutíu milljóna manna markaður
á Spáni,“ segir hún. - jab
Íslendingar raka til sín verðlaunum í Bandaríkjunum:
Dale Carnegie hér
vekur athygli í vestri
Eignarhaldsfélagið 7 hægri,
einkahlutafélag Kristján Ara-
sonar, fyrrverandi framkvæmda-
stjóra viðskiptabankasviðs hjá
Kaupþingi, var úrskurðað gjald-
þrota í Héraðsdómi Reykjaness
í síðustu viku. Lánasamningar
félagsins eru allir í erlendri mynt
og nema 2,1 milljarði króna.
Skuldirnar eru tilkomnar
vegna lántöku Kristjáns við kaup
á hlutabréfum í Kaupþingi árið
2006. Allir lánasamningar eru í
erlendri mynt og engar eignir til í
búinu upp í skuldir, að sögn Helga
Birgissonar lögmanns sem skip-
aður var skiptastjóri. Gjaldþrotið
verður auglýst á næstu dögum og
hefur skilanefnd Kaupþings, sem
er eini kröfuhafinn, tvo mánuði
til að lýsa kröfum í búið.
DV greindi frá því í júní í
fyrra að lánveitingar Kaupþings
til Kristjáns vegna kaupa hans á
hlutabréfum í bankanum hefðu
um mitt ár 2006 numið tæpum
níu hundruð milljónum króna.
Þá var ekki útilokað að Kristján
hefði tekið aukin lán til frekari
hlutabréfakaupa fram að banka-
hruni.
Kristján sagði í samtali við DV
í nóvember 2008 að auk lánsins
frá Kaupþingi hefðu hann og kona
hans, Þorgerður Katrín Gunnars-
dóttir, fyrrverandi varaformaður
Sjálfstæðisflokksins og fyrrver-
andi menntamálaráðherra, lagt
ævisparnaðinn að veði í hluta-
bréfakaupin. „Ævisparnaðurinn
er farinn, en við eigum þó alla-
vega húsið… Við höfðum mikla
trú á Kaupþingi,“ sagði hann.
Fram kemur í skýrslu rann-
sóknarnefndar Alþingis að Kristj-
án hafi fært hlutabréfaskuld-
ir sínar inn í einkahlutafélagið
7 hægri ehf. í febrúar 2008 að
fengnu leyfi Hreiðars Más Sig-
urðssonar, forstjóra Kaupþings,
og Guðnýjar Örnu Sveinsdóttur,
þá fjármálastjóra bankans.
Stjórn Kaupþings ákvað í
miðju bankahruni að aflétta
persónulegri ábyrgð þeirra
stjórnenda bankans sem hann
lánaði háar fjárhæðir til hluta-
bréfakaupa. Slitastjórn Kaup-
þings rifti ákvörðuninni í vor og
hefur samið við hluta fyrrver-
andi starfsmanna Kaupþings um
endurgreiðslu á láninu.
Helgi útilokar ekki að Kristján
sé í persónulegum ábyrgðum
fyrir einhverjum hluta lánanna
sem hann fékk vegna hlutabréfa-
kaupanna.
Ekki náðist í Kristján vegna
málsins þegar eftir því var leitað
í gær. - jab
Félag Kristjáns skuld-
ar rúma tvo milljarða
Einkahlutafélagið 7 hægri var tekið til gjaldþrotaskipta í síðustu viku. Engar
eignir eru til á móti skuldum. Ekki er útilokað að Kristján Arason sé persónu-
lega ábyrgur fyrir hluta skulda, segir skiptastjóri.
ÁRANGRINUM FAGNAÐ Starfsfólk Dale Carnegie fagnaði vel þegar það tók við verð-
launum í Bandaríkjunum á dögunum.
KRISTJÁN ARASON Skiptastjóri einkahlutafélagsins 7 hægri segir ekki útilokað að
Kristján sé í persónulegum ábyrgðum fyrir skuldum félagsins. FRÉTTABLAÐIÐ/E.ÓL.
100 ÞÚSUND HLUTIR verða gefnir út í rekstrarfélagi samfélagsvefjarins Facebook á næstu dögum. Þeir verða boðnir upp á vefsíðunni Sharespost. Lágmarksboð í hlutina verður 23 dalir á hlut, samkvæmt bandaríska við-
skiptatímaritinu Forbes.
Slitastjórn Kaupthing Singer &
Fried lander (KSF), banka Kaup-
þings í Bretlandi, hefur greitt
kröfuhöfum 45 prósent af kröfum
í bú bankans. Reiknað er með að
endurheimtur muni nema á milli
78 og 84 prósentum. Þetta kemur
fram í skýrslu til kröfuhafa frá lög-
fræðingum Ernst & Young í Bret-
landi sem stýra slitum á KSF.
Breska fjármálaeftirlitið tók
yfir stjórn KSF við fall Kaupþings
8. október 2008.
Fram kemur í skýrslu til kröfu-
hafa að 953 kröfum hafi verið lýst
í búið upp á 5,4 milljarða punda,
jafnvirði 982 milljarða íslenskra
króna.
Fram kemur í skýrslunni að
heildarútlán KSF námu þremur
milljörðum punda, jafnvirði tæpra
546 milljarða króna. Þar af höfðu
43 prósent skilað sér til baka í lok
september. Fjórðungur lánanna
var til kaupa auðugra einstakl-
inga á einkaþotum, þyrlum og lúx-
usskútum. Lán til einkaþotukaupa
hafa verið greidd til baka að fullu
en verið er að fá viðskiptavini
bankans til að endurfjármagna hin
lánin til að greiða bankanum.
Þá kemur fram í skýrslunni að
nokkur tilboð hafi verið lögð fram
í lánasafn KSF. Tilboðin hafi verið
undir væntingum og þeim því ekki
verið tekið. Búið er að skipta lána-
safninu upp með það fyrir augum
að auka verðgildi þess. - jab
Kaupthing Singer & Friedlander greiðir kröfuhöfum:
Reikna með 84
prósenta heimtum
Nánari upplýsingar varðandi
auglýsingar veitir:
Örn Geirsson,
sími: 512 5448,
netfang: orn@365.is
Áramótaannáll Markaðarins
- uppgjör á árinu 2010 í viðskiptalífinu
Hvað stendur upp úr í viðskiptalífinu á árinu sem er senn liðið?
Hvernig tókst fyrirtækjunum að vinna sig út úr erfiðleikunum?
Hvernig er alþjóðlega umhverfið? Hvað er framundan á nýju ári?
Markaðurinn ræðir við fjölda fólks í viðskiptalífinu.
Dómnefnd Markaðarins velur bestu og verstu viðskipti ársins og
menn viðskiptalífsins árið 2010.
Áramótaannáll Markaðarins kemur út miðvikudaginn 29. desember.
„Þetta er stórkostlegt og gefur
okkur færi á að ráða einn forrit-
ara og halda áfram með það sem
við gerum,“ segir Steinunn Anna
Gunnarsdóttir, framleiðandi hjá
tölvuleikjafyrirtækinu Locatify.
Fyrirtækið hlaut í síðustu viku
styrk Nordic Game Program upp á
hálfa milljón danskra króna, jafn-
virði tæpra 10,5 milljóna íslenskra
króna, til framleiðslu á tölvuleikn-
um Fjársjóðsleit. Leikurinn er ein-
göngu fyrir iPhone-farsíma frá
Apple. Styrkinn fær Locatify til að
þróa leikinn áfram og koma honum
á markað.
Leikurinn er hugsaður sem net-
leikur fyrir hópa sem keppa í fjár-
sjóðsleit. Hann byggir á leiðsagnar-
forritinu Locatify Iceland sem kom
út í sumar. Í því forriti er hægt
að nota GPS-staðsetningartækni
iPhone-símans til að kalla fram
upplýsingar um ýmsa staðhætti.
Leikurinn er framhald af því og
gefur þeim sem spila hann mögu-
leika á að nýta ratleikinn bæði til
skemmtunar og fræðslu, að sögn
Steinunnar.
Nordic Game Program er verk-
efni sem menningarmálaráðherr-
ar Norðurlandaríkjanna fimm ýttu
úr vör fyrir fimm árum og hvetja á
til framleiðslu og dreifingar á nor-
rænum tölvuleikjum fyrir börn og
unglinga. Veittir eru styrkir tvisv-
ar á ári. 252 umsóknir bárust Nord-
ic Game Program í ár og fengu
þrettán fyrirtæki styrk. - jab
SKOT ÚR RATLEIKNUM Hjónin Leifur
Björn Björnsson, leikjahönnuður Locati-
fy, og kona hans Steinunn vinna að því
að þróa ratleik fyrir iPhone-farsíma.
Íslenskur fjársjóðsratleikur fyrir farsíma hlýtur rúmlega tíu milljóna króna styrk:
Ætla að ráða fleiri forritara