Fréttablaðið - 16.12.2010, Page 110

94 16. desember 2010 FIMMTUDAGUR
FÓTBOLTI Dóra Stefánsdóttir hefur
ákveðið að leggja skóna á hill-
una vegna þrálátra hnémeiðsla.
Hún er aðeins 25 ára gömul en á
glæsilegan feril að baki.
Dóra varð Íslandsmeistari með
Val árið 2004 og tvívegis bikar-
meistari, 2001 og 2003. Hún fór
svo árið 2006 í atvinnumennsku
til Malmö í Svíþjóð þar sem hún
hefur verið síðan. Liðið varð meist-
ari í haust en Dóra náði ekkert að
spila með í ár vegna meiðslanna.
Dóra á að baki 47 leiki með A-
landsliði Íslands og skoraði í þeim
þrjú mörk. Síðast lék hún með
landsliðinu gegn Króatíu í mars á
þessu ári en hnémeiðslin versnuðu
til muna eftir þann leik.
„Ég var draghölt og það small
ítrekað í hnénu næstu vikurnar,“
segir Dóra við Fréttablaðið. „Ég
gat mjög lítið gert. Ég gat ekki
einu sinni farið út í búð og borið
pokana heim. Það tók tíma að jafna
sig á því.“
Dóra segir að ákvörðunin nú
hafi verið tekin með það í huga að
hún geti lifað eðlilegu lífi.
„Minn stærsti sigur var að geta
hreyft mig aftur eðlilega í hvers-
dagslegu lífi. Aðalmarkmiðið var
að komast aftur í fremstu röð í
fótboltanum en stundum fer lífið
svona með mann.“
Dóra segir að ákvörðunin hafi
verið erfið og ekki tekin á einum
degi. „Þetta er búið að vera langt
ferli og lengi í gerjun. Ég var að
hjakkast í því allt árið að koma
mér aftur í form. En það gefur
bara ekkert eftir, þetta blessaða
hné,“ segir hún.
Dóra hitti Sveinbjörn Brandsson
landsliðslækni tvisvar á þessu ári
vegna meiðslanna. „Hann sagði að
hnéð væri einfaldlega búið að taka
sitt í gegnum árin. Brjóskskemmd-
in gengur aldrei til baka. Það kost-
ar sitt að spila í jafn sterkri deild
og sænsku úrvalsdeildinni og það
væri ekki hægt að sjá fyrir hvern-
ig það myndi enda fyrir hnéð. En
þetta var mín ákvörðun og ég gerði
mér grein fyrir því að ég hefði
aldrei getað treyst hnénu.“
Hún segir að hún hafi eytt mikl-
um krafti í endurhæfinguna í ár.
„Ég æfði 8-10 sinnum í viku, oftast
ein, og hélt alltaf í vonina um að
koma til baka. Síðan fór ég að efast
um hvort það væri virkilega þess
virði að taka þessa áhættu. Auð-
vitað er þetta hræðilega erfið
ákvörðun og ég hefði ekki trúað
því að ég hefði þurft að taka hana
25 ára gömul. En ég hef verið með
sálartetrið í rússibanareið og því
fór þetta svona.“
Dóra hefur verið í námi með
boltanum í Svíþjóð og ætlar nú
að hella sér í það af fullum krafti.
„Ég hef aðeins getað verið í hálfu
námi með boltanum en ætla að ein-
beita mér að því nú og bæta jafnvel
einhverju við mig,“ segir hún en
félagið hennar, Malmö, virðist
vera reiðubúið að bjóða henni starf
innan sinna vébanda.
„Ég hef rætt lauslega við þá um
það. Ég ætla að gefa mér tíma og
leyfa sárunum mínum að gróa áður
en ég helli mér aftur í fótboltann,
hvort sem það er í þjálfun eða eitt-
hvað annað. Þetta er stórt félag og
mikið af verkefnum í gangi þar. Ég
er ekki að kveðja fótboltann fyrir
fullt og allt og ætla ekki að henda
skónum – þeir verða geymdir á
góðum stað,“ segir Dóra í léttum
dúr. eirikur@frettabladid.is
Með sálartetrið í rússibanareið
Landsliðskonan Dóra Stefánsdóttir hefur neyðst til að hætta í fótbolta aðeins 25 ára gömul vegna þrálátra
hnémeiðsla. „Minn stærsti sigur var að geta hreyft mig aftur eðlilega,“ segir Dóra í samtali við Fréttablaðið.
LYKILMAÐUR MEÐ LANDSLIÐINU Missirinn er mikill fyrir íslenska landsliðið en Dóra Stefánsdóttir, til hægri, hefur verið lykilmaður
á miðjunni undanfarin ár. Hér er hún með Margréti Láru Viðarsdóttur. FRÉTTABLAÐIÐ/DANÍEL
Meira í leiðinniWWW.N1.IS / SÍMI 440 1000
Næsta umferð N1 deildarinnar býður upp á frábæra
leiki; spennandi grannaslagir eru á dagskrá auk
þess sem toppliðið sækir meistarana heim. Mætum
á völlinn og styðjum okkar menn!
UPPHITUN
FYRIR HM
Í JANÚAR!
N1 DEILD KARLA
Haukar – Akureyri Ásvellir í kvöld kl. 18:30
Afturelding – Selfoss Varmá í kvöld kl. 19:30
FH – HK Kaplakriki í kvöld kl. 19:30
Valur – Fram Vodafonehöll í kvöld kl. 19:30
FÓTBOLTI „Þetta er mikil synd og
mikill missir fyrir kvennalands-
liðið,“ segir landsliðsþjálfarinn
Sigurður Ragnar Eyjólfsson um
ákvörðun Dóru Stefánsdóttur
um að hætta í knattspyrnu vegna
meiðsla.
„Ég vona að þetta sé ekki
endan leg ákvörðun og að hnéð
jafni sig með nokkurra mánaða
hvíld en læknar eru ekki bjart-
sýnir á það og hafa ráðlagt henni
að hætta,“ bætir hann við.
„Við munum sakna hennar
mikið. Hún er frábær karakter,
mikill leiðtogi í okkar liði og var
ávallt byrjunarliðsmaður þegar
hún var heil. Hún var örfáum
leikjum að ná 50 landsleikjum og
það er synd að hún náði því ekki,“
segir Sigurður Ragnar, en hann
hefur hvatt hana til að hætta ekki
alfarið afskiptum af fótbolta.
„Ég hef rætt við hana um að
fara út í þjálfun en hún er enn að
melta allt slíkt enda er stutt síðan
allt þetta gekk yfir hana.“ - esá
Sigurður Ragnar Eyjólfsson:
Landsliðið mun
sakna hennar
LANDSLIÐSÞJÁLFARINN Sigurður Ragnar
Eyjólfsson sér mikið á eftir Dóru Stefáns-
dóttur. FRÉTTABLAÐIÐ/