Fréttablaðið - 16.12.2010, Qupperneq 114

16. desember 2010 FIMMTUDAGUR98
golfogveidi@frettabladid.is
G
O
LF
&
H
EI
LS
A
Golfklúbburinn Keilir skilaði 27
milljóna króna hagnaði á árinu.
Þetta kemur fram í reikningum
klúbbsins sem lagðir voru fyrir
aðalfund fyrr í vikunni en þar
var Bergsveinn Hjörleifsson jafn-
framt endurkjörinn formaður.
Í reikningum kemur fram að
tekjur klúbbsins námu 175 millj-
ónum króna en rekstrargjöld um
135 milljónum. Skuldir klúbbsins
nema rúmum 150 milljónum, þar
af eru um 104 milljónir langtíma-
skuldir. Eigið fé er um 390
milljónir.
Í rekstrarreikningi kemur
meðal annars fram að tekjur
vegna félagsgjalda námu 86
milljónum í ár samanborið við
78 milljónir í fyrra. Þar kemur
einnig fram að tekjur vegna móta
eru hærri en tekjur vegna flatar-
gjalda eða 12,7 milljónir saman-
borið við 11,7. - th
Góð fjárhagsstaða hjá Keili:
27 milljóna
hagnaður í ár
HVALEYRARVÖLLUR Tekjur vegna
æfingasvæðisins hjá Keili eru að aukast.
Í ár námu þær 22,6 milljónum saman-
borið við 20 í fyrra.
Bæjarstjórn Akureyrar hefur
samþykkt tillögu skipulagsnefnd-
ar bæjarins um að opið svæði til
sérstakra nota fyrir Jaðarsvöll
verði stækkað um 10,3 hektara.
Tillögu um að nýta svæðið við
golfvöllinn undir íbúðabyggð var
hafnað.
Í bókun skipulagsnefndar segir
að vegna mikillar fjölgunar golf-
iðkenda sé nauðsynlegt að stækka
umráðasvæði vallarins. Stækkun
svæðisins muni gera forráða-
mönnum Golfklúbbs Akureyrar
kleift að auka nýtingu hans í
þágu golfiðkenda. Golfvallar-
svæðið verður því stækkað úr 80
hekturum í 90,3 hektara. - th
Jaðarsvöllur á Akureyri:
Klúbburinn fær
10,3 hektara
Að vera golfari með annan fótinn styttri en hinn getur haft ýmis-
legt í för með sér, þreytu í baki og mjöðmum, sem hefur áhrif á
golfleik og sérstaklega á seinustu holurnar þegar þreytan er farin
að segja til sín, segir Magni M. Bernhardsson, kírópraktor með
sérhæfingu í golfmeiðslum og öðrum íþróttameiðslum,
„Rannsóknir hafa sýnt fram á að golfari með annan fótinn
styttri nær ekki að færa líkamsþungann rétt í golfsveiflunni og
þar af leiðandi eru meiri líkur á að tímasetning golfsveiflunnar
verði ekki rétt.
Einkennin eru margvísleg ef annar fóturinn er styttri, til
dæmis bakverkur, hnéverkur, verkur í mjöðm og þótt ótrúlegt
virðist vera þá getur fólk upplifað verk í miðbaki og hálsi vegna
þess að leiðrétting á rangri líkamsstöðu kemur oft fram þar.
Miklar líkur eru á því að líkamsþungi verði mismikill milli hægri
og vinstri fótar og þar af leiðandi skapist óstöðugleiki til lengri
tíma. Stytting í vöðvum sem hafa áhrif á mjaðmasnúning og of
mikið álag á hné kemur oft fram ef ekkert er gert.
Fæstir hafa alveg jafnlanga fætur en þegar mislengd fóta er
orðin til vandræða verður eitthvað að gera svo að heilsunni
hraki ekki meira og líkaminn geti mögulega náð stöðugleika á
ný. Prófaðu að setjast með hælinn upp á hnéð, ýttu á hnéð,
hallaðu þér fram og finndu teygju í mjöðminni. Endurtaktu
hinum megin og sjáðu hvort það er mikill munur.“
Hvað getum við gert til að finna og leiðrétta þessa skekkju?
„Sem kírópraktor tek ég stafræna röntgenmynd í standandi
stöðu til að komast að því hversu miklu styttri fóturinn er og
hversu mikil mjaðmaskekkjan er, því þessi tvö atriði er nauð-
synlegt að skoða á sama tíma. Hægt er að kaupa hæl í skóinn
sem nemur skekkjunni og ráðlegg ég fólki að nota hann
samhliða kírópraktískri meðferð og teygjum til að ná sem mestri
leiðréttingu.“
Styttri fótur
Golfklúbburinn Setberg
(GSE) hefur gert samning
um leigu á Setbergsvelli til
tíu ára en völlurinn hefur
verið í umsjón Golfklúbbs
Oddfellowa síðustu þrjú
ár með samstarfi við GSE
síðastliðið ár.
„Setbergsvöllur var leigður til
bráðabirgða síðustu þrjú ár en nú
liggur fyrir að fyrirhuguð íbúða-
byggð á svæðinu mun ekki rísa
á komandi árum og þess vegna
var þessi nýi samningur gerður.
Hugmynd okkar í GSE er að bæta
völlinn, sem var orðinn nokkuð
góður síðasta sumar, enn frekar.
Við erum ekki að fara að keppa
við stóru vell-
ina í gæðum
heldur ætlum
við að reyna að
skapa skemmti-
lega stemningu
í klúbbnum. Það
eru ansi margir
sem hafa byrjað
í golfi á þessum
velli og bera því
hlýjar tilfinn-
ingar til hans. Nú eru um 150 félag-
ar í klúbbnum en við stefnum á að
ná fjöldanum upp í þrjú hundruð
á næstu árum.” segir Högni Frið-
þjófsson, formaður GSE.
Engar stórframkvæmdir
Högni segir að klúbburinn hyggi
ekki á stórframkvæmdir á vellinum.
„Hjá okkur snýst þetta aðal-
lega um að búa til skemmtilegan
klúbb og spila á góðum velli. Við
munum þó væntanlega reyna að
laga göngustíga, gera teiga snyrti-
legri og huga betur að níu holu par
3 æfingavellinum ásamt æfinga-
svæðinu. Þá hefur verið rætt um
að breyta æfingasvæðinu þannig
að hægt verði að slá frá skálan-
um, sem myndi meðal annars nýt-
ast þeim sem bíða eftir að komast
á teig. Það var gríðarlega mikil
aðsókn á völlinn síðasta sumar og á
álagstímum var spilahraðinn óvið-
unandi. Við munum leggja mikið
upp úr því að bæta leikhraðann á
vellinum.“
Sama rástímakerfi
Á Setbergsvelli hefur ekki verið
notast við rástímabókanir heldur
þurfa kylfingar að mæta á völlinn
til að skrá sig. „Við munum halda
okkur við það kerfi áfram. Jana og
Tommi, sem sáu um að reka skál-
ann síðasta sumar og áttu stóran
þátt í að skapa skemmtilegan anda
meðal kylfinga, munu sjá um rekst-
ur skálans áfram. Stjórn klúbbsins
ákvað að halda árgjöldum óbreytt-
um fyrir næsta ár og við bjóðum
nýja félaga velkomna í klúbbinn,“
segir formaðurinn.
Högni og félagar í stjórn golf-
klúbbsins hafa boðað til félags-
fundar í golfskálanum í kvöld
klukkan átta. Þar verður farið
yfir samninginn og framtíðar-
áform klúbbsins rædd. Allir núver-
andi félagar í GSE eru velkomnir á
fundinn. kristjan@frettabladid.is
Golfvöllur í Setbergi næstu tíu ár
GOLFKLÚBBURINN Í SETBERGI Formaður klúbbsins segir að gera eigi völlinn að skemmtilegum sveitavelli þar sem stemningin ráði ríkjum.
A
F
G
R
EE
N
IN
U Steve Williams, kyflusveinn Tigers Woods, er fullviss um að Tiger muni ná sér á strik á nýju ári. Í samtali við AP-fréttastofuna sagði hann síðast-
liðið ár hafa verið erfitt. „Það hefur öllum verið ljóst að Tiger hefur ekki
verið einbeittur. Eftir skilnaðinn var hann ekki með hugann við golfið
– eðlilega,” sagði Williams. Hann sagði að ofan á allt saman hefði Tiger
ákveðið að breyta sveiflunni hjá sér sem hefði ekki auðveldað honum
að ná stöðugleika. Hins vegar sagðist Williams vera viss um að sveiflan
yrði komin í lag á næsta ári og einbeitingin sömuleiðis.
Kylfusveinninn hefur fulla trú á Tiger
Vefsíðan golf.com hefur valið tíu bestu nýju golfvellina fyrir utan Bandaríkin.
Í efsta sæti er Diamante-völlurinn í Cabo San Lucas í Mexíkó. Völlurinn er
hannaður af Davis Love III. Á listanum eru fjórir evrópskir vellir. Verdura-
golfvöllurinn á Sikiley er í 6. sæti. Hann er hannaður af Kyle Philipps. The
Scandanavian-völlurinn í Farum í Danmörku er í 8. sæti. Þetta er mikill vatna-
völlur, hannaður af Bruce Charlton. Í 9. sæti er Elea-völlurinn á Kýpur sem
Nick Faldo hannaði og í 10. sæti er Rowallan Castle-golfvöllurinn í Kilmaurs í
Skotlandi. Colin Montgomerie og Ross McMurray hönnuðu hann.
Bestu nýju golfvellirnir valdir
Magni M. Bernhardsson,
kírópraktor með sérhæfingu
í golfmeiðslum og öðrum
íþróttameiðslum.
Höfundur starfaði með PGA-
golfkennaranum Justin Stout í
Bandaríkjunum árið 2007 við að
hreyfi- og styrktargreina nem-
endur hans.
HÖGNI
FRIÐJÓNSSON
747 GOLFHOLUR eru á 66 golfvöllum á Íslandi. 48 VELLIR eru níu holur, 16 eru átján holu vellir. Einn er fjórtán holur og annar þrettán.
Eitt af þeim vandamálum sem tengjast agaleysi eru hegðunarvandamál á golfvelli, að
sögn Hinriks Gunnars Hilmarssonar, sem annast hefur eftirlit, vallarvörslu og dómgæslu
hjá Golfklúbbi Reykjavíkur.
1. Við sem störfum við eftirlit á golfvöllum verðum oft varir við slæma hegðun kylfinga. Má
þar nefna m.a. hávær öskur hjá kylfingum sem hefur mistekist ætlunarverk sitt, kylfukast
(þar sem aðrir kylfingar geta verið í hættu), boltakast, spark í bekki og ruslafötur og
kylfingar láta sem sagt öllum illum látum. Gætið að því, að þetta einskorðast ekki við
keppnisgolf. Þá er því ekki alltaf vel tekið þegar eftirlitsmenn gera athugasemdir við slíka
hegðun.
2. ANDI ÍÞRÓTTARINNAR Golf er að mestum hluta leikið án umsjónar dómara til
úrskurðar eða eftirlits. Íþróttin byggist á réttsýni einstaklingsins og að
taka tillit til annarra og hlíta reglunum. Allir leikmenn ættu alltaf að
sýna yfirvegaða framkomu dæmigerða fyrir kurteisi og íþrótta-
anda, án tillits til þess hve keppnisinnaðir þeir eru. Þetta er andi
golfíþróttarinnar. (Úr golfreglubók R&A 2008-2011)
3. LOKAORÐ: REFSINGAR FYRIR BROT Ef leikmaður ítrekað skeytir
engu um þessar leiðbeiningar við leik umferðar eða um einhvern
tíma, öðrum til óþurftar, er mælt með því að nefndin meti hvort
hann skuli sæta tilhlýðilegum refsiaðgerðum.
Slík aðgerð getur t.d. falið í sér leikbann á vellinum í
ákveðinn tíma eða í ákveðnum fjölda kappleikja. Slíkt
er talið réttlætanlegt í því markmiði að gæta hags-
muna alls þorra kylfinga sem vilja leika í samræmi
við þessar leiðbeiningar.
Sé um alvarlegt brot á siðareglum að ræða má
nefndin beita frávísun samkvæmt reglu 33-7.
(Úr golfreglubók R&A 2008-2011)
Hollráð Hinna
Agaleysi 3