Fréttablaðið - 18.12.2010, Blaðsíða 126

98 18. desember 2010 LAUGARDAGUR
Ljóðabókin Grimm ævintýri eftir Ásgeir H. Ing-
ólfsson er komin út hjá Nýhil útgáfunni. „Þetta
er ljóðaflakk um ævintýraskóga, Ásgarð og
Austur-Evrópu – en hefst þó á Ölstofunni, þar
sem músa Hómers hittir fyrir bakara og smið
og fær þá með sér í ferðalag með það markmið
að yrkja heiminn upp á nýtt. Á leiðinni hitta
þau fyrir Tinna, Öskubusku, Loka Laufeyjar-
son, Heimdall, Miðgarðsorm, Rauðhettu, úlfinn
og fleiri persónur heimsbókmenntanna,“ segir í
fréttatilkynningu útgefanda.
Ásgeir H. Ingólfsson hefur unnið sem bóksali,
kennari og næturvörður undanfarin ár auk
starfa í blaðamennsku, en hann hefur skrifað
um menningu og sitthvað fleira fyrir Krítík,
Morgunblaðið, Kistuna, Smuguna, Stúdentablað-
ið, Tímarit Máls og menningar, Smuguna og The
Reykjavik Grapevine. Hann er bókmenntafræð-
ingur frá HÍ og Karlsháskóla í Prag og hefur
auk þess stundað MA-nám í blaðamennsku og
kennslufræðum.
Bókin er ríkulega myndskreytt af Gunnlaugi
Starra Gylfasyni.
Grimm ævintýri Ásgeirs
ÁSGEIR H. INGÓLFSSON Nýútkomin bók hans er ljóðaflakk um ævin-
týraskóga sem hefst þó á Ölstofunni.
Jólabókahrunið – falsbókmenntir eftirhrunsáranna er
yfirskrift sýningar eftir Þorvald Óttar Guðlaugsson,
Dalla, sem verður opnuð í Gallerí Fold í dag. Sýningin
samanstendur af tíu skálduðum bókatitlum sem Dalli
hefur hannað, sölutextum þeirra
og stjörnuprýddum umsögnum
gagnrýnenda, en öll verkin eiga
það sameiginlegt að tengjast
hruninu.
Þorvaldur segir að drögin að
sýningunni hafi orðið til á Face-
book í haust.
„Í staðinn fyrir að sitja heima
í gremjukasti lék ég mér að því
að búa til þessar kápur og deildi
þeim með vinum mínum á vefn-
um. Ég fékk ágætis viðbrögð við
þessu framtaki. Þegar ég var
búinn að gera um tólf kápur stakk
Jóhann Ágúst Hansen í Gall-
erí Fold upp á því að við settum
upp sýningu. Í kjölfarið fór ég að
gera aðeins meira úr þessu og bætti við umsögnum
gagnrýnenda og stjörnugjöf. Verkið kallast því ekki
aðeins á við hrunið, heldur einnig jólabókaflóðið sem
slíkt.“
Þorvaldur Óttar er menntaður grafískur hönnuð-
ur og hefur starfað sem slíkur í tæpa þrjá áratugi.
Jafnframt hefur hann unnið að myndlist í formi
samfélagslegra skúlptúra, ásamt mótun íslenskra
fjalla í ál og postulín.
Formleg opnun sýningarinnar er klukkan 17 í
dag en henni lýkur á þrettánda degi jóla, 6. janúar
næstkomandi. - bs
Jólabókahrunið í Gallerí Fold
Ráðhús Reykjavíkur
Sunnudag 19. des. kl. 16:00
Aðgangur ókeypis
Stjórnandi: Samúel J. Samúelsson
Sérstakur gestur: Helgi Björns
Fjölbreytt dagskrá skemmtilegrar jólatónlistar í jazzútsetningum,
innlendum og erlendum, nýjum og gömlum.
& STÓRSVEIT REYKJAVÍKUR
Á JÓLATÓNLEIKUM
FJÁRFESTAR
ATHUGIÐ!
Fyrirtæki í góðum rekstri leitar að aðkomu fjárfesta að
fyrirtækinu í samstarfi við núverandi eigendur. Velta er
u.þ.b. 150.000.000 kr.+vsk. Hægt að auka verulega með
auknu fjármagni. Góð framlegð.
Verksvið: Innflutningur, sala og þjónusta.
Helst er leitað eftir því að fá einn fjársterkan aðila inn í
fyrirtækið en einnig koma nokkrir smærri til greina.
Lágmarks fjárfestingargeta er frá 2.500.000 kr.
Engin krafa um eigið vinnuframlag.
Allar upplýsingar og fyrirspurnir sendist á netfangið
fjarfest@gmail.com
FRÉTTIR VIÐSKIPTI ÍÞRÓTTIR LÍFIÐ UMRÆÐAN
STÝRÐU UMRÆÐUNNI Í ÁTT TIL ÞÍN
Meiri Vísir.
ÞORVALDUR ÓTTAR
GUÐLAUGSSON
ECONOMIC CRASH TEST FOR DUMMIES Þorvaldur bjó til yfir tíu
bókatitla sem skírskotuðu í hrunið og deildi með vinum sínum
á Facebook. Þeir eru nú til sýnis í Gallerí Fold.