Fréttablaðið - 18.12.2010, Blaðsíða 148
18. desember 2010 LAUGARDAGUR120
sport@frettabladid.is
26
DAGAR
ÍSLAND mun taka þátt í HM í 16. skipti í sögunni í janúar. Það er magnaður árangur enda fáar þjóðir sem
hafa tekið oftar þátt en Ísland. Svíar hafa oftast verið með á HM eða 20 sinnum. Þjóðverjar hafa tekið þátt í 19
mótum, Danir 18, Frakkar 17 og Ungverjar 16. Þar á eftir koma síðan Ísland og Spánn með 15 þáttökur á HM.
HANDBOLTI Það var mikill hiti í
mönnum eftir leik Vals og Fram
í N1-deild karla á fimmtudaginn.
Valur vann þá dramatískan eins
marks sigur og var mönnum heitt
í hamsi eftir leikinn. Reynir Þór
Reynisson, þjálfari Fram, fékk þá
meðal annars að líta rauða spjald-
ið eftir viðskipti sín við dómara
leiksins.
Knútur Hauksson, formaður
HSÍ og harður stuðningsmaður
Fram, var einnig mættur niður
á gólf eftir leikinn og vildu ein-
hverjir meina að hann hefði verið
að láta dómarana heyra það. Hann
átti einhver orðaskipti við eftir-
litsdómara leiksins en þvertekur
fyrir að hafa hegðað sér á óviðeig-
andi hátt miðað við mann í sinni
stöðu.
„Ég hef heyrt af þessari umræðu
og þetta er voðalegur stormur í
vatnsglasi. Ég er oft líflegur maður
og hef áður sagt að ef hreyfingin
vill mann sem hefur ekki ástríðu
fyrir íþróttinni og er ekki lífleg-
ur þá er ég ekki rétti maðurinn.
Ég viðurkenni fúslega að hafa oft
verið líflegur í stúkunni en hef
breytt mér ansi mikið síðan ég
varð formaður,“ segir Knútur.
Horfði á leikinn með Völsurum
„Á þessum tiltekna leik passaði ég
mig á að sitja ekki meðal Fram-
ara. Ég horfði á leikinn aðallega
með Völsurum. Ég var auðvitað
ekkert ánægður með úrslit leiks-
ins enda vita allir að ég er Fram-
ari. Ég labba svo niður á gólf, sem
ég hefði kannski átt að láta ógert.
Ég labba þar að Heimi [aðstoðar-
þjálfara Vals, innsk. blm.] og óska
honum til hamingju með sigurinn.
Ég hitti þar fyrir fleiri Valsara og
óska þeim til hamingju.“
Eftir það gengur Knútur til
Kristjáns Halldórssonar, eftirlits-
manns leiksins, og sést á mynd-
bandsupptökum að hann var ekki
með nein læti við Kristján ólíkt því
sem einhverjir vilja halda fram.
„Þá eru öll lætin á gólfinu búin.
Hann hvíslar að mér: „Ekki þú
líka“ en ég var alveg rólegur.
Eftir það áttum við spjall í róleg-
heitum. Það var alls enginn hasar
í þessu. Þetta er bara stormur í
vatnsglasi. Ég var ekki að drulla
yfir dómarana, veitast að þeim eða
lemja í borð eins og menn eru að
segja. Dómararnir voru meira að
segja farnir þegar ég kom niður á
gólf,“ segir Knútur en hann gerir
það iðulega að labba niður á gólf
eftir leiki og spjalla við þá sem
þar eru.
Verð oft æstur en hef tekið mig
mikið á
Formaður hefur mikla ástríðu
fyrir leiknum og hefur í áraraðir
verið áberandi á áhorfendapöllun-
um enda óragur við að láta í sér
heyra.
„Ég verð oft æstur á leikjum en
ég hef tekið mig mikið á í þeim
efnum. Það er ekki illa meint sem
maður kallar í hita leiksins. Ég hef
tekið mig á síðan ég varð formaður
og reynt að passa mig. Eins og í
þessu tilviki þar sem ég horfi á
leikinn með Valsmönnum frekar
en Frömurum því þá æsist maður
oft meira upp,“ segir Knútur en er
það viðeigandi að formaður HSÍ sé
að mæta niður á gólf eftir mikla
hitaleiki?
„Ég veit það ekki. Er eitthvað að
því að formaður HSÍ óski mönnum
til hamingju með sigur eftir svona
leik? Af hverju er það ekki viðeig-
andi? Ég er ekki að reyna að hafa
áhrif á einn né neinn. Ef menn
vilja hafa ósýnilegan formann þá
verður hreyfingin að kjósa ein-
hvern annan. Ég hef gert það oft
að fara niður á gólf án þess að vera
að skipta mér af hlutunum. Mér
finnst það miður ef einhverjum
misbauð að ég skyldi fara niður á
gólf.“ henry@frettabladid.is
Bara stormur í vatnsglasi
Knútur Hauksson, formaður HSÍ, segir ekkert hæft í þeim ásökunum að hann
hafi veist að dómurum eftir leik Vals og Fram. Knútur segir að vilji hreyfingin
ósýnilegan formann sé hann ekki rétti maðurinn þótt hann hafi róast mikið.
LÍFLEGUR Knútur Hauksson, formaður HSÍ, er vanur því að lifa sig inn í leikina eins
og sjá má á þessari mynd. Hann segist ekki vera eins líflegur á pöllunum í dag.
FRÉTTABLAÐIÐ/VALLI
FÓTBOLTI María Björg Ágústsdóttir
hefur gert samning við sænsku
bikarmeistarana í Örebro og verð-
ur þar með fjórði íslenski mark-
vörðurinn sem spilar í sænsku
úrvalsdeildinni næsta sumar.
Guðbjörg Gunnarsdóttir hefur
spilað síðustu tvö ár með Djur-
gården, Þóra Björg Helgadóttir
var meistari á sínu fyrsta tímabili
með LdB FC Malmö og Sandra Sig-
urðardóttir, markvörður Stjörn-
unnar, hefur ákveðið að spila með
Jitex BK á næsta tímabili.
María verður ekki eini Íslend-
ingurinn hjá Örebro því þar spila
einnig Edda Garðarsdóttir og
Ólína Guðbjörg Viðarsdóttir. - óój
Fjórir íslenskir markmenn spila í sænsku deildinni:
María fer til Örebro
SUND Hrafnhildur Lúthersdóttir
úr SH heldur áfram að standa sig
frábærlega á HM í 25 metra laug
í Dubai en hún komst í undanúr-
slit í 100 metra bringusundi í gær.
Hrafnhildur, sem er 19 ára gömul,
hafði einnig komist í undanúrslit í
50 metra bringusundi á miðviku-
daginn.
Hrafnhildur synti á 1:07,30 mín-
útum í undanúrslitum og endaði
í 16. sæti. Hún var aðeins fjór-
um hundraðshlutum frá Íslands-
metinu, sem var aðeins nokkurra
klukkutíma gamalt. Hrafnhild-
ur sló sitt eigið Íslandsmet um
rúmlega sekúndu í undanrásun-
um fyrr um morguninn og bætti
þá sinn besta árangur á árinu um
1 sekúndu og 27 sekúndubrot, sem
er mjög mikil bæting. Hrafnhild-
ur náði því í gær tveimur lang-
bestu tímum íslenskar sundkonu í
þessari grein.
Búast má við að þreytan hafi
verið farin að hafa áhrif í und-
anúrslitasundinu enda var hún
þarna að keppa þriðja daginn í röð.
Hrafnhildur var fljótari á fyrstu
50 metrunum en fyrr um daginn
en gaf aðeins eftir á seinni 50
metrunum.
Hrafnhildur hefur komist í
undanúrslit í tveimur greinum
á mótinu og hefur sett alls þrjú
Íslandsmet en hún varð í 14. sæti
í 50 metra bringusundi eftir að
hafa sett Íslandsmet í bæði und-
anúrslitum og undanúrslitum.
Hún á eftir að keppa í 200 metra
bringusundi á mótinu en sú grein
fer fram á sunnudaginn. Jakob
Jóhann Sveinsson varð í 27. sæti
af 54 keppendum í 200 m bringu-
sundi en hann synti á 2:10,92 mín-
útum í gær. Jakob bætti sinn besta
tíma á árinu en var rúmum þrem-
ur sekúndum frá Íslandsmeti sínu.
Jakob og Ragnheiður Ragnarsdótt-
ir keppa í dag, Jakob í 50 metra
bringusundi en Ragnheiður í 50
metra skriðsundi. - óój
Heimsmeistaramótið í 25 metra laug hélt áfram í Dubai í gær:
Hrafnhildur aftur í undanúrslit
STENDUR SIG VEL Hrafnhildur Lúthersdóttir á HM í Dubai. MYND/SSÍ
TM
...verðlaunin fyrir besta
bíónammið fær
Litríkt bíónammi