Fréttablaðið - 18.12.2010, Blaðsíða 142
114 18. desember 2010 LAUGARDAGUR
MARGT Í BOÐI
Svavar Melberg, Ragnar Már Ómars-
son og Ásgeir Viðar Ásgeirsson eru
höfundar Flakks sem komið er í
verslanir, en spilið er byggt á tölvu-
leikjum. Dr. Gunni mætir til leiks
með nýjan Popppunkt og Fimbul-
fambið snýr aftur eftir nokkurt hlé.
Bandaríski leikstjórinn Blake
Edwards er látinn, 88 ára að aldri.
Eiginkona hans, leikkonan Julie
Andrews, og aðrir fjölskyldumeð-
limir voru hjá honum í Kaliforníu
þegar hann lést.
Edwards var þekktastur fyrir
að leikstýra og skrifa handritin að
myndunum um Bleika pardusinn,
auk þess sem Breakfast at Tiffan-
y´s með Audrey Hepburn í aðal-
hlutverki og 10 voru á afrekaskrá
hans. Hann fékk heiðurs-Óskars-
verðlaun árið 2004 fyrir framlag
sitt til kvikmyndalistarinnar.
„Blake Edwards var ein af þeim
manneskjum sem fengu mig til
að elska gamanleik. Það var leið-
inlegt að heyra af fráfalli hans,“
skrifaði leikarinn Steve Martin á
Twitter. Hann hefur tvívegis leik-
ið hinn klaufalega Inspector Clou-
seau í nýjum myndum um Bleika
pardusinn. Áður hafði Peter Sell-
ers gert honum skil á eftirminni-
legan hátt.
Síðasta vinsæla mynd Edwards
var söngvamyndin Victor/Victoria
sem kom út 1982 með Julie Andr-
ews í aðalhlutverki. Þau gengu í
hjónaband 1969 og áttu saman tvö
ættleidd börn. Áður átti Edwards
tvö börn með fyrri eiginkonu
sinni.
Blake Edwards fallinn frá
MEÐ ÓSKARINN Blake Edwards með
heiðurs-Óskarinn sem hann fékk fyrir
sex árum.
NORDICPHOTOS/GETTY
Sjaldan hafa jafn mörg
íslensk borðspil komið á
markað fyrir jólin. Mörg
glæný spil eru komin í
verslanir og þeir sem hafa
í hyggju að bera möndlu-
graut fram á jólaborðið
ættu því ekki að eiga í
erfiðleikum með að finna
möndlugjöfina í ár.
„Það er frábært að sjá hvað það eru
mörg íslensk spil að koma út núna,“
segir Svanhildur Eva Stefánsdótt-
ir, annar eigandi spilaverslunar-
innar Spilavina. Fjölmörg íslensk
spil koma á markað nú fyrir jólin,
einhver þeirra eru endurútgefin
en mörg eru glæný. Ævintýraspil-
ið Flakk er nýtt á markaði og seg-
ist Svanhildur vera einkar spennt
fyrir því. „Strákarnir sem gerðu
Flakk eru búnir að vera að dunda
við þetta spil lengi, svo það er
virkilega vandað.“
Flakk er byggt á þeim tölvuleikj-
um sem eru hvað vinsælastir í dag
og er ætlunin að draga ungt fólk
frá tölvunni og að spilinu. Þeir sem
hafa áhuga á orðaspilum þurfa ekki
að örvænta, því úr nógu er að velja.
Orðamaus, Þú veist og Fimbulfamb,
sem kemur nú aftur út eftir sautj-
án ára hlé, eru allt dæmi um ný og
skemmtileg orðaspil en Heilaspuni,
sem sló í gegn í fyrra, er einnig
komið aftur í búðir.
Spilið Popppunktur kom út fyrir
nokkrum árum, en það var byggt
á samnefndum sjónvarpsþáttum.
Nú er komið framhald af spilinu og
kallast það Enn meiri popppunktur.
Einnig er spilið Kynstrin öll komið
í búðir en um er að ræða öðruvísi
spurningaspil um samskipti kynj-
anna og kynferðismál, og er spil-
ið fyrsta sinnar tegundar hér á
landi. Því er ljóst að úr mörgu er
að velja og um að gera að hendast
út í næstu stórverslun og fjárfesta
í einu íslensku spili fyrir jólin.
kristjana@frettabladid.is
ALDREI MEIRA ÚRVAL AF
ÍSLENSKUM BORÐSPILUM
www.tskoli.is
Nám í rekstri
og stjórnun
fyrir framsækna nemendur!
Flugrekstrarfræði 45 ein.
Námið er sniðið að þörfum starfsmanna í f lugtengdum rekstri og
tekur tvö ár í dreifnámi með staðbundnum lotum.
Útvegsrekstrarfræði 45 ein.
Námið er sniðið að þörfum sjávarútvegarins og tekur tvö ár í
dreifnámi með staðbundnum lotum. Útvegsrekstrarfræði hentar
þeim sem hafa starfsmenntun og reynslu úr sjávarútvegi.
Rekstur og stjórnun, almenn lína 45 ein.
Námið er opið öllum sem lokið hafa starfsmenntun eða sambæri-
legri menntun og hafa reynslu úr atvinnulíf inu. Námið tekur tvö ár í
dreifnámi með staðbundnum lotum.
Allar námslínurnar eru þróaðar af Tækniskólanum í samstarfi
við Háskólann í Reykjavík og er til viðurkenndra háskóla-
eininga. Inntökuskilyrði eru starfsmenntun, stúdentspróf eða
sambærilegt nám.
Nánari upplýsingar fást í Endurmenntunarskólanum,
s. 514 9601 eða á ave@tskoli.is
Innritun stendur yf ir!
Opið laugardag frá kl. 11-16 og virka daga 10-18 • Sími 588 8477 • www.betrabak.is
TempraKON
dúnsokkar
Outlast
hiajöfnunar efnið
sér til þess að
þér er hvorki
of heitt né kalt!
Ótrúlega vinsæl
jólagjöf!
Kr. 5.990,-
TempraKON dúnsængur
100% hvítur gæsadúnn
20% afsláttur
kr. 29.900,-
Heilsuinniskór
Inniskór sem laga sig að fætin um og dreifa
þyngd jafnt undir allt fótasvæðið.
Sendum frítt út á land - betrabak.is
He
ils
ui
nn
is
kó
r s
em
lag
ar sig
að fætinum - einstök þæ
gindi
Parið kr. 3.900,-
2 pör kr. 6.980,-
3 pör kr. 9.990,-