Frjáls verslun - 01.02.2002, Blaðsíða 8

Byltingarkennd lausn Símans - farsíminn hluti af símstöðvakerfi fyrirtækja:
Síminn hefur um nokkurt skeið unnið að þróun þjónustu sem
nefnist Centrex en um er að ræða lausn sem býður upp á ný
tækifæri í þjónustuframboði Símans. Með Centrex verður
farsíminn hluti af einkasímkerfi. Centrex líkir eftir virkni einkasím-
kerfa og er hýst hjá Símanum. Lausnin býður upp á marga þjónustu-
möguleika sambærilega þeim sem almennt þekkjast á markaðnum
fyrir einkasímkerfi en einnig ýmsar nýjungar sem ekki hafa áður sést
hér á landi. Með Centrex einkasímkerfi geta fyrirtæki hagrætt í starf-
semi sinni þar sem ekki þarf að fjárfesta í einkasímstöð. Kostnaðurinn
er fyrirfram þekktur og fyrirtæki þurfa ekki lengur að uppfæra sím-
stöðvar sínar með jöfnu millibili og þýðir það aukna hagræðingu fyrir
reksturinn. Centrex hentar jafnframt mjög uel fyrir fyrirtæki með
dreifða starfsemi í stöðugt breytilegu umhuerfi.
„Centrex gefur færi á að sameina talsíma og farsíma fyrirtækja í
eitt einkasímkerfi ýmist með eða án einkasímstöðva. Centrex er í
raun og veru svar við niðurstöðum könnunar sem Gallup gerði fyrir
Símann þar sem fram kom að 86% fyrirtækja sögðu heildarlausnir
í fjarskiptaþjónustu skipta mestu máli," segir Hrefna Bachmann,
markaðsstjóri hjá Símanum.
Hlustum á markaðinn
„Síminn hefur breyst í markaðsdrifið þjónustufyrirtæki á mjög
skömmum tíma. Við höfum á að skipa fólki sem starfað hefur
lengi hjá fyrirtækinu og býr yfir dýrmætri reynslu og þekkingu.
Auk þess hafa á undanförnum árum bæst í hópinn ungir og öfl-
ugir einstaklingar sem Ijá fyrirtækinu krafta sína. Allt okkar starf
gengur út á að hlusta á markaðinn og greina hvaða þjónustu við-
skiptavinir okkar þarfnast á sviði fjarskipta og reyna að þjóna
þeim sem best. Við höfum fundið fyrir því að fyrirtæki vilji ein-
falda og hagræða í rekstri sínum en heildarlausnir eru einmitt
liður í þeirri stefnu," segir Hrefna.
Að sögn Hrefnu hefur Síminn í auknum mæli nýtt sér kannanir í
þeim tilgangi að fá betri tilfinningu fyrir þörfum viðskiptavina og
geta komið enn betur til móts við þá. „Við rennum ekki blint í sjóinn
með framboð á nýrri þjónustu, heldur leggjum við vinnu í að greina
þarfir markaðarins og sjá hvar þjónusta getur nýst sem best. Orð-
spor Símans sem traust og áreiðanlegt fjarskiptafyrirtæki er nefni-
lega ein af okkar verðmætustu eignum. Því fylgir að við bjóðum við-
skiptavinum okkar eingöngu upp á vörur og þjónustu sem standa
undir kröfum um traust og áreiðanleika," segir Hrefna.
8
E—i