Frjáls verslun - 01.02.2002, Blaðsíða 65

SAMRUNAR AUGLÝSINGASTOFA
Gallup framkvæmdi og kynnt var á AAA hátíðinni, en þar var
spurt um það hverskonar þjónustu fyrirtækin væru að kaupa
af auglýsingastofunum og hvernig hún nýttist þeim. I þeirri
könnun kom fram að menn eru auðvitað að kaupa auglýsinga-
gerð og birtingar iýrst og fremst en nú gerðist það í íýrsta sinn
að markaðsráðgjöf fór yfir 50% sem bendir til að stækkunin hafi
áhrif og að burðarmeiri stofur hafi getað ráðið til sín sterkara
markaðsfólk."
Birtingarhús Nýlega var sett á stofn sérstakt birtingarhús
sem er nýjung hér á landi þó að það þekkist mætavel erlendis
þar sem markaðurinn er talsvert stærri og flóknari en hér.
Deila má um þörfina og ágæti þess en rökin eru þau að birt-
ingar séu allt önnur fræði en auglýsingagerð og því muni borga
sig til lengdar að vera með sérstök fyrirtæki í þeim geira.
„Það er væntanlega dýrara að vera með sérstakt birt-
ingarhús án tengsla við auglýsingastofur," segir Ólafur. „Hinu
má þó ekki gleyma að þetta er sérfræðiþjónusta sem ef til vill
er ekki nauðsynlegt að sé til staðar á stofunum. Sumir telja
hugsanlega betra að stofurnar geta einbeitt sér fýrst og fremst
að auglýsingagerðinni. Sjálfur tel ég að langbest sé að höndla
markaðs- og auglýsingamálin í heild á einum stað og birt-
ingarnar þar alls ekki undanskildar. Eg held að okkur hafi
tekist þetta ágætlega hér á íslensku auglýsingastofunni og
sjáum þess vegna enga sérstaka þörf fyrir breytingu."
Beint samband veltu og mannalla Ólafur segir fækkun á
starfsfólki auglýsingastofa nú fyrst og fremst til komna vegna
þess að óþarflega miklar væntingar hafi skapast þegar vel gekk
árið 2000. „Stofur voru að vaxa mjög hratt og þessi geiri er þess
eðlis að hann er mjög viðkvæmur. Það er beint samband á milli
veltu og mannafla og um leið og velta minnkar eða eykst þarf
að breyta fjölda starfsfólks. Árið 2000 komu inn margir nýir
viðskiptavinir sem tengdust tölvugeiranum og urðu sumir
mjög hratt að stórum auglýsendum, en gufuðu svo jafn hratt
upp. Skýrasta dæmið um þá erfiðleika sem þetta leiddi af sér
var gjaldþrot Mekkanó. I dag sitja svo allar stofurnar uppi með
alltof háan kostnað og verða þess vegna að finna leiðir til þess
að hagræða í rekstrinum.“
Ólafur segir að menn verði að átta sig á því hver ástæða
kreppunnar sé. „Væntingarnar voru einfaldlega of
miklar eins og best hefur sést á hlutabréfa-
markaðnum. Svo koma að auki inn atburðir eins
og 11. september sem hafði gríðarleg áhrif og
ekki síst í ferðaheiminum. Það hefur bein áhrif á
auglýsingastofur. Nú hefur fólki verið fækkað
nokkuð. Það fólk sem minnsta hefur reynsluna og
þekkinguna fer auðvitað fyrst og eftir situr að
fyrirtækin eru jafnvel sterkari en áður. Þó eru
auðvitað takmörk fyrir því hversu sameiningarnar
geti orðið margar því markaðurinn hér er mjög
lítill og árekstrar geta auðveldlega orðið á milli
viðskiptavina."
Samstarf eða sameining „Auglýsingaiðnað-
urinn hefur þróast mjög hratt á undanförnum
árum. Það eru aðeins þijátíu ár síðan fyrstu nú-
tímaauglýsingastofurnar urðu til á Islandi,“ segir
Sverrir Björnsson, hönnunarstjóri Hvíta hússins.
„Frá þeim tíma hefur þróunin verið ör þar sem
þekking á eðli og gerð auglýsinga sem og mark-
aðs- og sölufræðum hefur fleygt fram. Við
störfum í þekkingariðnaði og í dag er það þekking
og leikni í að beita henni sem skilur á milli feigs
og ófeigs. Umrótið sem verið hefur á auglýsinga-
markaðnum undanfarið er hluti af eðlilegri þróun.
Við sjáum það víða í viðskiptalífinu að fyrirtæki
leitast við að ná fram eins mikilli hagkvæmni í
rekstri og þeim er unnt. Stærri einingar eru sterk-
ari en þær minni. Sumir kjósa að sameinast alveg
á meðan aðrir velja samstarf eins og við höfum
gert með íslensku auglýsingastofunni. Þar eru
tvær sjálfstætt starfandi stofur sem reka sameigin-
lega tjölmiðla- og birtingarhús en eru að öðru
leyti óháðar hvor annarri." BH
„Þó eru auðvitað takmörk fyrir því hversu sameining-
arnar geti orðið margar því markaðurinn hér er mjög
lítill og árekstrar geta auðveldlega orðið á milli við-
skiþtavina," segir Ólafur Ingi Olafsson, formaður SIA.
65