Frjáls verslun - 01.07.2004, Síða 33

FORSÍÐUGREIN: FORSÆTISRÁÐHERRASKIPTIN
hann tekur fram úr öðrum á göngu og aldrei betri en þegar
hann leiðir hópinn,“ segir göngumaður og félagi Halldórs.
Halldór er ákaflyndur í líkamsrækt og göngu eins og í
vinnunni og hefur ekki augun af markmiðum sínum. Hann
gekk á Öræfajökul á dögunum og náði hæsta tindi landsins,
Hvannadalshnjúki, ásamt fleirum. í aðdraganda þeirrar
ferðar hafði hann gengið á Esjuna hvenær sem færi gafst,
stundum tvisvar í viku. Hann gaf ekkert eftir 1 Esjuferðunum
og var nánast farinn að hlaupa upp hlíðarnar á tíma sem
ungar og léttar fjallageitur hefðu verið stoltar af.
„Halldór er í geysigóðu formi og það er ekki að sjá að hann
hafi gengist undir erfiða aðgerð fyrir tveimur árum,“ segir
einn göngufélagi.
Heill heilsu Halldór veiktist haustið 2002, greindist með æxli
í blöðruhálskirdi. Um einangrað mein var að ræða sem fjar-
lægt var með skurðaðgerð í október. Halldóri var sagt að fara
strax á fætur eftir aðgerðina og hann tók endurhæfinguna
föstum tökum eins og önnur viðfangsefni. Rúmum mánuði
síðar, í nóvember 2002, sagðist hann tilbúinn til
vinnu og gerði að umtalsefni að hann hefði ekki
tekið svo langt hlé frá hringiðu stjórnmálanna frá
því hann fór í pólitíkina á þrítugsaldri. Halldór
ræddi hispurslaust um sjúkdóminn, meðferðina
og endurhæfinguna og uppskar þakklæti frá
fjölda fólks. Hann hefur náð sér að fullu og tekur
nærri sér þegar kjaftasögur komast á kreik um að
hann sé ekki heill heilsu.
Vinir Þegar þessi orð voru skrifuð var Halldór
í fjallgöngum suður í Evrópu með fornvini
sínum, Sævari Þór Sigurgeirssyni endurskoð-
anda. Finnur fngólfsson, fyrrum aðstoðarmaður
Halldórs í sjávarútvegsráðuneytinu, samráð-
herra, Seðlabankastjóri og nú forstjóri VÍS, hefur
oft gengið með Halldóri. „Halldór er ljúfur félagi
og góður vinur og gaman að ganga með honum.
Hann er einbeittur og í mjög góðu formi. Þá er
hann þrautseigur og gefst ekki upp, hvorki í
göngu né pólitík," segir Finnur.
Hér hefúr verið minnst á Stefán, Ingibjörgu,
Finn og Sævar Þór en í vinahópi Halldórs má
einnig finna Jón Sveinsson hæstaréttarlögmann
og Magnús Gústafsson, forstjóra Coldwater
Seafood í Bandaríkjunum og fyrrverandi for-
stjóra Hampiðjunnar.
Gengur naerri Sér Orðið vinnusemi gengur
eins og rauður þráður í gegn um samtöl við sam-
ferðamenn Halldórs Asgrímssonar. Sú dyggð á
sér hins vegar tvær hliðar og þar komum við að
helsta áhyggjuefni þeirra sem standa Halldóri
nærri. Þeim finnst hann of sjaldan unna sér
hvíldar. „Hann keyrir sig stundum út þannig að
engin orka er eftir. Hann mætti stundum fara
sparlegar með kraftana. Halldór er ekki eilíft unglamb þó
duglegur sé og í góðu formi,“ segir góðvinur.
Vitnað var til stjörnuspár hér á undan og ekki úr vegi að
vitna til hennar í þessu samhengi: „Meyjan ætti að sinna betur
ímyndunaraflinu og láta stundum eftir skyndilegum hug-
dettum í stað þess að láta skynsemina alltaf ráða ferðinni og
einblína stöðugt á vinnu. Þannig gæti hún náð betra andlegu
jafnvægi.“
Þegar Halldór Ásgrímsson verður húsráðandi í stjórnar-
ráðshúsinu við Lækjartorg rætist langþráður draumur manns
sem verið hefur í forystusveit íslenskra stjórnmála frá því
hann varð fyrst sjávarútvegsráðherra fyrir rúmum 20 árum.
Þá þegar varð ljóst að Halldór stefndi á hæsta tind íslenskra
stjórnmála. Það hefur hann oft ítrekað og sagt að það væri
eðlilegur metnaður af hálfu Framsóknarflokksins að stýra
ríkisstjórn. Og nú hefur hann náð toppnum. En þegar litið er
til þrautseigju Halldórs Ásgrímssonar og viljastyrks er þetta
fráleitt síðasti tindurinn sem hann klífur þó ekki verði þeir
allir í pólitíkinni. ffil

—
III
/
oryggi
Öryggisskáparnir frá Rosengrens
eru traust geymsla fyrir peninga,
skjöl, tölvugögn og önnur verð-
mæti. Skáparnir sem eru í hæsta
gæðaflokki fást í ýmsum stærðum
og gerðum. Kynnið ykkur úrvalið.
Bedco & Mathiesen ehf
Bæjarhrauni 10
Hafnarfirði
Sími 565 1000
33