Morgunn - 01.06.1964, Síða 16

10
MORGUNN
og blekking. Þó er því ekki haldið fram, að allir miðlar blekki
aðra vísvitandi, heldur fari þessi blekkingarstarfsemi fram
í undirvitund miðilsins og sé mögnuð af undirvitund og eftir-
væntingu fundargestanna jafnhliða. Áður en lengra er hald-
ið út í þessa sálma, þykir mér rétt að taka fram, að aldrei
hef ég rekizt á nokkurn mann, sem í alvöru heldur því fram,
að fjarhrif geti verið frambærileg skýring á öllum tegund-
um dulrænna fyrirbæra. Þau geta til dæmis ekki skýrt
hreyfi-fyrirbæri (telekinesis) og líkamninga-fyrirbæri (ma-
terialisation). 1 annan stað er það, að tilraunir þær, sem
hingað til hafa verið gerðar til þess að sanna, að fjarhrif á
milli lifandi manna eigi sér stað, hafa borið það með sér,
að fjarhrifin eru mjög miklum erfiðleikum bundin og hafa
yfirleitt ekki tekizt, nema í mjög takmörkuðum tilfellum,
þannig að við margar tilraunir er árangurinn svo lítill um-
fram það, sem líkindareikningur segir til um, að engan veg-
inn er útilokað, að um hreina heppni í getgátu sé þar að
ræða, en ekki fjarhrif, enda hefur slíkt óspart verið notað
til þess að véfengja sannanir fyrir því, að fjarhrif eigi sér
stað. Hins vegar lýsa góðir skyggni- og talmiðlar framliðn-
um mönnum, sem þeir aldrei hafa séð, ekki aðeins rétt og
greinilega og segja til um nöfn þeirra, heldur skýra þeir
hiklaust frá fjölmörgum atvikum úr lífi þeirra, sem þeir
ekki gátu haft neina hugmynd um með venjulegum hætti.
Oft segja miðlar frá einu og öðru i sambandi við ævi fram-
liðinna manna, sem engir viðstaddir kannast við, en reynist
þó siðar að vera rétt við eftirgrennslan. Er þá ýmist, að ein-
hverjir gefa sig síðar fram, sem votta, að rétt hafi verið frá
skýrt af miðlinum, eða það sannast af gömlum bréfum eða
bókum, að miðillinn hafi farið með rétt mál.
Það eina, sem sannazt hefur um f jarhrif, eins og áður er
sagt, er það, að vísindamönnum hefur tekizt að sýna fram á,
að þau eigi sér stað í einstökum og raunar tiltölulega mjög
fáum tilfellum. Og yfirleitt hefur ekki enn, þrátt fyrir sí-
endurteknar tilraunir um marga áratugi, tekizt að koma frá
einum mannshuga til annars á þennan hátt nema stuttum