Morgunn - 01.06.1964, Page 19

MORGUNN
13
vel að snerta hana. Borðdans, ,,andaglas“ og ósjálfráð skrift
eru einnig fyrirbæri þessarar tegundar að öðrum þræði.
öll þessi fyrirbæri eru þannig vaxin, að engin leið er að
skýra þau til neinnar fullnustu með kenningum um fjarhrif.
Hin eina sennilega og eðlilega skýring, sem fram hefur
komið á dulrænum fyrirbærum í heild er sú, sem spíritistar
halda fram, að um samband við framliðna sé þar að ræða.
Kemur það og skýrt fram, að því er allan þorra þessara
fyrirbæra snertir, að hiklaust er fullyrt, að þar séu ákveðnir
framliðnir menn að verki, sem jafnframt færa fram bæði
margar og sterkar líkur til þess að sannfæra menn um að
svo sé. Og enn er það með öllu óskýrt af andstæðingum
spíritismans, hvaða sennilegar orsakir geti til þess legið, ef
hér er ekki um annað að ræða en fjarhrif frá lifandi mönn-
um, að þau dulbúi sig í gervi framliðinna manna og beiti
jafnvel hinum athyglisverðasta klókskap til þess að reyna
að blekkja menn til þeirrar sannfæringar, að þarna séu
framliðnir ástvinir að hafa samband við þá, sem lifa. Þetta
hafa andstæðingar spíritismans, mér vitanlega, aldrei getað
skýrt eða gert grein fyrir á nokkurn viðhlítandi hátt.
Hitt er svo annað mál, að sambandið við framliðna er
enn sem komið er miklum erfiðleikum bundið, að mörg af
þeim skilaboðum og lýsingum, sem fram koma, eru oft ekki
aðeins óákveðin og óljós, heldur virðast á stundum vera
beinlínis röng, að sumir miðlar hafa orðið berir að blekk-
ingum, að því er talið er, að í einstökum tilfellum er tilgáta
um fjarhrif sem skýringu, ekki aðeins möguleg, heldur
sennileg, og að sumar bækur, sem út hafa verið gefnar bæði
hérlendis og erlendis og taldar hafa haft að geyma orð og
ræður nafngreindra, látinna manna eða lýsingar á framlíf-
inu og þeirri veröld, sem við tekur eftir líkamsdauðann, virð-
ast oft vera meira í ætt við hugaróra og drauma en sann-
fræði. Þess vegna er hollara og viturlegra að athuga jafnan
öll þessi mál með fullri gát og skynsamlegri varúð, en láta
þar ekki trúgirni eða tilfinningahita bera annað ofurliði.
1 þessum málum sem öðrum er það gætileg rannsókn,