Morgunn - 01.06.1964, Blaðsíða 37

MORGUNN
31
en orð fá lýst. Kvaðst það sumar nætur lítið eða ekkert hafa
getað sofið, sökum átroðnings ókunnugra og óboðinna gesta
á heimilinu. Hefur hér komið í ljós meiri skortur á nær-
gætni en við hefði mátt búast að óreyndu, og lítill skilningur
á þeim erfiðu aðstæðum, sem þarna voru fyrir hendi.
Þegar sýnt þótti af frásögnum útvarps og blaða, að hér
væri um endurtekin fyrirbæri að ræða, sem ekki virtist
unnt að skýra, þótti stjórn Sálarrannsóknafélags Islands
rétt og skylt að kynna sér þessi dularfullu fyrirbæri nánar.
Varð því að ráði, að nokkrir menn færu norður þessara er-
inda, og var í för með þeim miðillinn Hafsteinn Björnsson.
Var lagt af stað í flugvél Björns Pálssonar laugardaginn 21.
marz klukkan 4 síðdegis og lent á flugvellinum hjá Akri í
Húnavatnssýslu rúmlega klukkustund síðar. Þaðan var svo
haldið í bifreiðum að Saurum, en það er nær tveggja stunda
akstur, og komið þangað laust eftir kl. 7 um kvöldið.
1 hópnum voru eftirtaldir úr stjórn félagsins: Sigurlaugur
Þorkelsson, frú Katrín J. Smári, Helgi Vigfússon og undir-
'ltaður. Ennfremur voru í förinni frú Mildiríður Falsdóttir
og Sigurveig Hauksdóttir skrifstofustúlka í Reykjavík.
Ég ræddi nokkuð við gömlu hjónin um þessa atburði bæði
sameiginlega og sitt í hvoru lagi. Bar frásögnum þeirra
saman í öllum atriðum við það, sem sagt hafði verið um
þetta í dagblöðunum og rakið hefur verið hér að framan.
Staðfestu þau það, að skápurinn í eldhúsinu hefði fallið
öðru sinni fram á gólfið, þá um morguninn. Töldu þau, að
hér væri um það eina fyrirbæri að ræða, sem hefði getað
valdið meiðslum á fólki, vegna þess að skápurinn væri all-
þungur, og gæti því auðveldlega skyndilegt fall hans fram
á gólfið skaðað þann, sem fyrir honum yrði og jafnvel hrund-
ið honum á heita eldstóna. Fyrir því hefðu þau nú tekið það
ráð að fjötra skápinn við þilið. Húsfreyja sagði frá því, að
þegar þau voru að borða í eldhúsinu um hádegisbilið þá um
daginn, hefði henni fundizt matborðið skyndilega hreyfast
og koma einhvern veginn upp í fangið á sér. Hefðu þau öll í