Morgunn - 01.06.1964, Side 39

MORGUNN
33
ég fyllilega samdóma Guðmundi Kjartanssyni jarðfræðingi
um það, að jarðhræringar geti ekki verið orsök þessara
fyrirbæra, en hann hefur komið að Saurum, eftir að undrin
þar hófust. Ég tel mér ennfremur skylt að geta þess í sam-
bandi við þá tilgátu, að fyrirbæri þessi kynnu að vera af
völdum óhlutvandra manna, er vitandi vits hefðu til þeirra
stofnað, að ég varð í ferð minni einskis þess áskynja, er
benti í þá átt. Hins vegar er að sjálfsögðu ekki unnt að taka
af um slíkt með öllu, nema áður hefði farið fram um það
efni ítarlegri og víðtækari rannsókn. En mér vitanlega hefur
ekkert það fram komið, sem gefi heimild eða rökstudda
ástæðu til slíkrar rannsóknar. Tel ég ekki drengilegt að
dylgja um slíkar aðdróttanir, að minnsta kosti ekki á meðan
frambærilegar líkur skortir fyrir sanngildi þeirra.
Eins og málum nú er komið, verður að teljast sennilegast,
að fyrirbæri þessi séu svipaðrar tegundar og þau hreyfifyrir-
bæri (telekenetiske Fænomener), sem gerzt hafa og raunar
enn eru að gerast víðsvegar um heim, annað hvort sjálfkrafa
(spontant) eða í sambandi við miðla á fundum þeirra. Hér á
landi eru kunnust hreyfifyrirbærin að Hvammi í Þistilfirði
1913, en mörg önnur, líkrar tegundar, hafa átt sér stað hér
á landi bæði fyrr og síðar og sum þeirra prýðilega vottfest.
Fyrirbærin í Hvammi virtust vera í sambandi við unga
Stúlku þar á heimilinu, og kom síðar i ljós, að hún var gædd
miklum miðilshæfileikum.
Um það, hvort undrin að Saurum séu einnig í einhverju
sambandi við dulræna hæfileika einhvers þar á heimilinu,
Var að sjálfsögðu ekkert hægt að fullyrða að svo stöddu. En
BGSkilegt væri, að slík rannsókn gæti farið fram síðar.
Raunar má segja, að það sem brýnast kallaði að á heimil-
inu að Saurum, hafi verið það, að ræða við heimilisfólkið,
sem eðlilega var lostið nokkrum ótta og kvíða vegna þessara
skyndilegu og dularfullu atburða, freista að auka skilning
Þess á þessum undrum og gera það rólegra. 1 öðru lagi, að
reyna með aðstoð miðils að draga úr þessum fyrirbærum og
koma í veg fyrir að þau endurtækist, ef unnt væri.
3