Morgunn - 01.06.1964, Qupperneq 44

38
M O R G U N N
Síðari hluta maímánaðar kom hingað til lands amerískur
sálfræðingur (parapsycholog), W. G. Roll að nafni, gagn-
gert til þess að rannsaka þessi fyrirbæri og safna skýrslum
um þau. Mr. Roll vann um skeið á tilraunastöð Duke háskól-
ans að rannsóknum dulrænna fyrirbæra undir handleiðslu
hins heimskunna vísindamanns dr. J. B. Rhine. En síðan
gerðist hann forstöðumaður sálarrannsóknarstofnunar í
Caroline, er nefnist Psychical Research Foundation. Fór ég
með honum tvær ferðir að Saurum. Safnaði hann öllum þeim
upplýsingum, sem fáanlegar voru um þessi mál.
Um niðurstöður þeirra athugana vil ég ekkert fullyrða að
svo stöddu. En hinn erlendi vísindamaður mun hafa sann-
færzt um, að þarna hafi dulræn fyrirbæri raunverulega átt
sér stað. Hins vegar bentu athuganir hans ekki til þess, að
þessir kraftar, sem þarna voru að verki, hafi beinzt að nokkr-
um af heimilisfólkinu sérstaklega, svo sem stundum á sér
stað um hliðstæð fyrirbæri. Leirtau var brotið og hlutir færð-
ir úr stað algjörlega án tiilits til þess, hver var eigandi þeirra.
Ekki var heldur unnt að ráða það af hreyfingum hlutanna,
að þeir hreyfðust fremur í eina átt en aðra, enda þótt heimil-
isfólkinu. oft fyndist, sem þessi kraftbylgja gengi yfir bæ-
inn frá vestri tii austurs. Ýmsir hlutanna höfðu færzt frá
suðri til norðurs, aðrir frá norðri til suðurs, og enn aðrir
frá austri til vesturs. Ef nokkuð mætti marka af stefnu
hreyfinga þessara, var það, að hún beindist einna mest að
sem næst miðju eldhússins. Ekkert kom í Ijós í framburði
fólksins, sem benti til þess, að kraftar þessir væru neinu
skyni eða skynsemi gæddir, virtust hafa nokkurt markmið
eða tilgang eða kæmu í ljós sem svar við ákveðinni ósk eða
hugsun. En slíkt er engan veginn fátítt á þeim heimilum,
bæði hérlendis og erlendis, þar sem hreyfifyrirbæri hafa
gerzt um lengri eða skemmri tíma. Svo var til dæmis um
sum fyrirbæranna í Hvammi í Þistilfirði. Og við Hjaltastaða-
fjandann var beinlínis hægt að tala, að því er sagnir herma.
Eitt af því, sem oftast einkennir fyrirbæri þessarar teg-
undar er það, að þau virðast standa í einhverju dulrænu